 |
| fortified rice |
अंजोर.रायपुर, 03 जून। अब के बखत म लोगन दैनिक खान-पान म स्वाद के संग स्वास्थ्यवर्धक भोजन ल जादा प्राथमिकता देत हावयं। भारतीय खाना म रोजमर्रा के पसंद चाउंर के जादा गुणवत्ता अउ पौष्टिकता भरे विकल्प अब fortified rice चाउंर के रूप म लोगन ल मिले हावय। fortified rice चाउंर स्वाद अउ सेहत ले भरपूर हावय। ये चाउंर सामान्य चाउंर के रकम ले ही होथे फेर एमे आयरन, फोलिक एसिड, विटामिन बी-12 अउ जिंक के प्रचुर मात्रा होए ले ये जादा पौष्टिक अउ स्वास्थ्यवर्धक हावय।
फोर्टिफाइड चाउंर लोगन के खुराक म जरूरी पौष्टिक तत्व के पूर्ति के संग ही कुपोषण के रोकथाम म काफी हद तक मददगार हावय। एमे उपस्थित आयरन खून के कमी ल रोकही, जेकर ले एनीमिया ले बचाव होही। फोलिक एसिड गर्भावस्था के बखत महिला मन के शरीर म भ्रूण विकास अउ खून बनाये म मदद करही। इही रकम ले विटामिन बी-12 शरीर म खून के बनाये अउ नर्वस सिस्टम के सामान्य काम-काज म सहायक होही। फोर्टिफाइड चाउंर के खूबी अउ पौष्टिकता के देखत मुख्यमंत्री भूपेश बघेल के पहल म एला सार्वजनिक वितरण प्रणाली के तहत आकांक्षी अउ उच्च प्राथमिकता वाला जिला म बांटे जात हावय।
फोर्टिफाइड चाउंर आयरन, फोलिक एसिड अउ विटामिन बी-12 युक्त होए के सेती ये सामान्य अरवा चाउंर ले अलग हावय। येकर ले लोगन ल भ्रम होथे के ये प्लास्टिक चाउंर हावय, जबकि सामान्य चाउंर के पौष्टिक अउ आयरन युक्त बनाये के जेन प्रक्रिया अपनाये जात हावय, उंकर सेती फोर्टिफाईड चाउंर काफी चिकना दिखत हावय। फोर्टिफाइड चावल चाउंर के गुणवत्ता के अधिकतम लाभ ले के खातिर एला पसाके नहीं बल्कि पर्याप्त पानी म पकाना चाही। जेकर ले पानी के संग येकर पौष्टिक तत्व बाहिर न जा सकें। फोर्टिफाईड चाउंर ल सोज सूरज के रोशनी म तको नइ रखना चाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।