 |
| institute of hotel management raipur free course |
रायपुर। इंस्टीट्यूट ऑफ होटल मैनेजमेंट, नवा रायपुर डहर ले ' हुनर ले रोजगार तक' थीम म युवा मनला तीन पाठ्यक्रम म फोकट म प्रशिक्षण दे जाही। आवेदन जमा करे के आखरी तिथि 20 जून अउ कोर्स सुरू होए के करार तिथि 27 जून हावय।
जिला रोजगार अधिकारी ह बताइन के मल्टी क्वीजिन प्रशिक्षण के खातिर शैक्षणिक योग्यता 8 - 10 वीं पास हावय। येकर प्रशिक्षण 6 ले 8 सप्ताह के होही। स्कील टेस्टिंग एण्ड सर्टिफिकेशन प्रशिक्षण हॉटल स्टाफ के खातिर होही। येकर बखत 6 दिन हावय। इंटरप्रोन्यूरशी प्रोग्राम 8वीं पास युवा मनके खातिर हावय। येकर बखत 4 सप्ताह हावय। पर्यटन मंत्रालय भारत सरकार डहर ले प्रायोजित ये पाठ्यक्रम म प्रवेश के खातिर आवेदन करइया के न्यूनतम उमर 18 साल या जादा होना अनिवार्य हावय। ये पाठ्यक्रम पूरा फोकट म हावय।
संबंधित क्षेत्र म नौकरी या व्यापार करइया इच्छुक आवेदन करइया के चयन करे जाही। चयनित आवेदन करइया ल फोकट म वर्दी अउ पाठ्य सामग्री दे जाही। सफलतापूर्वक कोर्स संपन्न करइया आवेदक ल नियमानुसार स्टायपण्ड दे जाही। इच्छुक मनखे प्रवेश बर आवेदन पाती इंस्टीट्यूट ऑफ होटल मैनेजमेंट, सेक्टर-40, उपरवारा, नवा रायपुर, अटल नगर या वेबसाईट www.ibmraipur.com ले पा सकत हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।