 |
| international yoga day |
- चन्दखुरी म माता कौशिल्या मंदिर प्रांगण म होही योगाभ्यास प्रदर्शन
- ’मानवता के खातिर योग’ के थीम म होही आयोजन, समारोह म 1200 ले जादा भाग लेवइया होही शामिल
- 07 ले जादा योग प्रशिक्षक कराही योगाभ्यास
रायपुर। आठवा अन्तर्राष्ट्रीय योग दिवस के मउका म राजधानी रायपुर के चन्दखुरी के माता कौशल्या के धाम ले लोगन योग अउ संयम के पाठ सीखही। कौशल्या मंदिर प्रांगण म 21 जून के बिहनिया 7 बजे योगाभ्यास कार्यक्रम के आयोजन होही। कार्यक्रम योग आयोग के अध्यक्ष ज्ञानेश शर्मा के मुख्य आतिथ्य म आयोजित करे जाही। ए मउका म 07 ले जादा योग प्रशिक्षक अउ योगाचार्य के मार्गदर्शन म सामान्य योग अभ्यासक्रम (प्रोटोकाल) के मुताबिक 1200 ले जादा भाग लेवइया मन डहर ले योगाभ्यास, प्राणायाम, धियान के प्रदर्शन करे जाही। कार्यक्रम म जिला पंचायत-रायपुर के अध्यक्ष श्रीमती डोमेश्वरी वर्मा, नगर पालिक निगम रायपुर के महापौर एजाज ढेबर तको सामिल होही।
जानबा होवय के 11 दिसम्बर, 2014 के समिलहा राष्ट्र महासभा ह सबोच साल 21 जून के ’अन्तर्राष्ट्रीय योग दिवस’ के रूप म मनाये के संकल्प ले रिहिस। संकल्प म समिलहा राष्ट्र महासभा ह स्वीकार करिन हावय के योग स्वास्थ्य अउ कल्याण के खातिर पूर्णतावादी दृष्टिकोण हावय। योगाभ्यास ले मनखे म सबोच जीव के प्रति मानवता के भाव उपजे होवत हावय, इही सेती ए साल अंतर्राष्ट्रीय योग दिवस ‘मानवता के खातिर योग‘ म केन्द्रित करे गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।