ओपन स्कूल परीक्षा परिणाम घोषित : हाई स्कूल म 53.7 प्रतिशत, हायर सेकेण्डरी म 64.3 परतिसत पास

open school exam result 2022

अंजोर.रायपुर, 03 जून। छत्तीसगढ़ राज्य ओपन स्कूल डहर ले आयोजित हाई स्कूल अउ हायर सेकेण्डरी सर्टिफिकेट मुख्य अउ मउका परीक्षा 2022 के परीक्षा परिणाम आज घोसित कर दे गिस। हाई स्कूल के परीक्षा म 53.7 परतिसत अउ हायर सेकेण्डरी के परीक्षा म   64.3 परतिसत परीक्षा देवइया पास होइस। परीक्षा परिणाम वेबसाईट http://www.sos.cg.nic.in अउ http://www.results.cg.nic.in ले देख सकत हावयं।

मुख्यमंत्री भूपेश बघेल अउ स्कूल शिक्षा मंत्री डॉ.प्रेमसाय सिंह टेकाम ह परीक्षा म सफल सबो परीक्षा देवइया ल बधाई देत उंकर उज्जवल भविष्य के सुभकामना दीस हावयं। ओमन परीक्षा म असफल पढ़ईया मन ले किहिन हावय के असफलता ही सफलता के सीढ़ी हावय इही ल धियान म रखत वो निराश न हों अउ फेर मेहनत ले पढ़ाई करके सफलता पावय।

हाई स्कूल सर्टिफिकेट मुख्य अउ मउका परीक्षा म कुल 42 हजार 156 पढ़इया लइका के पंजीयन होइस, जेमा 36 हजार 411 परीक्षा देवइया परीक्षा म सामिल होइन। 15 परीक्षा देवइया के परीक्षाफल आने-आने कारन ले रोके गे हावय। ए परीक्षा म 36 हजार 396 परीक्षा देवइया के परीक्षा परिणाम जारी करे गिस। परीक्षा म 19 हजार 318 परीक्षा देवइया पास होइस अउ परीक्षाफल 53.7 परतिसत रिहिन।

इही रकम ले हायर सेकेण्डरी  सर्टिफिकेट मुख्य अउ मउका परीक्षा म कुल 73 हजार 41 पढ़इया लइका के पंजीयन होइस, जेमा 67 हजार 895 परीक्षा देवइया परीक्षा म सामिल होए। 30 परीक्षा देवइया के परीक्षाफल आने-आने कारन ले रोका गे हावय। आर.टी.डी. योजना के ले 13 हजार 706 पढ़ईया परीक्षा म सामिल होए, जेकर परीक्षा परिणाम अगले साल घोसित करे जाही। बांचे 54 हजार 163 परीक्षा देवइया के परीक्षा परिणाम जारी करे गिस। परीक्षा म 34 हजार 683 परीक्षा देवइया पास होइन अउ परीक्षाफल 64.3 परतिसत रिहिन।

सचिव छत्तीसगढ़ राज्य ओपन स्कूल ह बताइन के ये परीक्षा म अनुत्तीर्ण पढ़ईया अवइया परीक्षा के आवेदन फार्म अपन अध्ययन केन्द्र म जमा करके परीक्षा म सामिल हो सकत हावयं।