तेलंगाना स्थापना दिवस : भाषा, संस्कृति, कला-परंपरा म विविधता के बावजूद एकता के जबर मिसाल

telangana formation day

अंजोर.तेलंगाना,ए। संस्कृति मंत्रालय ह आज डॉ. अंबेडकर इंटरनेशनल सेंटर, नवा दिल्ली म तेलंगाना स्थापना दिवस समारोह के आयोजन करिन। जेमा केंद्रीय गृह मंत्री अमित शाह कार्यक्रम म माई पहुना के रूप म सामिल होइन। केंद्रीय संस्कृति, पर्यटन अउ पूर्वोत्तर क्षेत्र विकास मंत्री जी. किशन रेड्डी अउ बिदेस अउ संस्कृति राज्य मंत्री श्रीमती मीनाक्षी लेखी, संस्कृति राज्य मंत्री अर्जुन राम मेघवाल ह तको ए कार्यक्रम म भाग लिस।

ये मउका म श्री अमित शाह ह जी. के. रेड्डी ल तेलंगाना दिवस समारोह ल आज़ादी के अमृत महोत्सव म सामिल करे अउ येकर संस्कृति ल पूरा देश के आगू लाने के खातिर बधाई दीस। श्री शाह ह ये तको किहिन के हर राज्य के एक संस्कृति, एक भाषा, एक व्यंजन होथे अउ ये सबो भिन्नता के बावजूद भारत के एक आत्मा हावय अउ वो ह आत्मा भारत ल एकजुट रखत हावय। गृह मंत्री ह सूचित करिन के सरकार ह 2014-15 अउ 2021-22 के बीच तेलंगाना राज्य के विकास के खातिर 2,52,202 करोड़ रूपिया खर्च करे  हावयं। अमित शाह ह किहिन के प्रधानमंत्री नरेन्द्र मोदी ल दृढ़ विश्वास हावय के राज्य के विकास ले राष्ट्र के विकास होही। ओमन किहिन के तेलंगाना राज्य के गठन के इतिहास संघर्ष भरे रिहिन हावय।

केंद्रीय मंत्री जी. के. रेड्डी ह किहिन के भारत सरकार तेलंगाना राज्य के सबो जरूरी मदद करत हावय अउ तेलंगाना के किसान मन ले धान के खरीद येकर परमान हावय। ओमन ये तको बताइन के 2014-2015 म तेलंगाना के किसान मनला धान के खातिर न्यूनतम समर्थन कीमत के रूप म 3,400 करोड़ रूपिया दीस। आज 8 साल बाद, तेलंगाना के धान किसान मनला हस्तांतरित एमएसपी कीमत 26,600 करोड़ रूपिया ले जादा हावय जेन लगभग 8 गुना के बड़वार हावय। केंद्रीय मंत्री ह आगू किहिन के भारत सरकार तेलंगाना राज्य म  1 लाख करोड़ रूपिया ले जादा लागत ले राजमार्ग बनत हावय।

ये कार्यक्रम पहिली मउका हावय जब भारत सरकार 'तेलंगाना दिवस' या 'तेलंगाना स्थापना दिवस' मनत हावय। येकर उद्देश्य एला उचित तरीका ले मनाये जाना सुनिश्चित करना हावय। ए कार्यक्रम के उद्देश्य भारत के सबले युवा राज्य के संस्कृति, विरासत, स्थापत्य भव्यता अउ गुमनाम नायक ल ज़मीं के जड़ ल उजागर करना हावय। तेलंगाना ए साल अपन आठवीं वर्षगांठ मनत हावय। कार्यक्रम के एक हिस्सा के रूप म, तेलंगाना के लोकप्रिय गायक ह अपन प्रदर्शन ले लोगन के मन मोह लिस। तेलंगाना के लोक नर्तक अउ कथक केंद्र दिल्ली ह तको राज्य के समृद्ध सांस्कृतिक विरासत के प्रदर्शन करिन।

तेलंगाना राज्य के आधिकारिक तौर म गठन 2 जून 2014 के होए रिहिस अउ ए दिन के 'तेलंगाना दिवस' या 'तेलंगाना स्थापना दिवस' के रूप म मनाये जात हावय। काबर के ये साल स्वतंत्रता के 75वां साल के चिन्हारी हावय, भारत सरकार भारत के गौरवशाली इतिहास, येकर लोगन, संस्कृति अउ उपलब्धि के जश्न मनात हावय। आज़ादी के अमृत महोत्सव के समारोह 12 मार्च 2021 के सुरू होइस अउ उही दिन ले हमर स्वतंत्रता के 75वीं वर्षगांठ के खातिर 75-सप्ताह के उलटा गिनती सुरू होइस। स्मरणोत्सव एक साल बाद 15 अगस्त 2023 के संपन्न होही।