मुख्यमंत्री दाऊ भूपेश बघेल के अध्यक्षता म होइस मंत्रिपरिषद के बइठक, छत्तीसगढ़ राज्य इलेक्ट्रिक वाहन नीति 2022 के होइस अनुमोदन

रायपुर। मुख्यमंत्री भूपेश बघेल के अध्यक्षता म आयोजित मंत्रिपरिषद के बइठक म छत्तीसगढ़ राज्य इलेक्ट्रिक वाहन नीति 2022 के अनुमोदन करे गिस। ए नीति ले छत्तीसगढ़ के नागरिक ल बाढ़त पेट्रोल-डीजल के दाम ले राहत मिलही उहें पर्यावरण ल स्वच्छ रखे म भागीदारी सुनिश्चित होही।

छत्तीसगढ़ राज्य इलेक्ट्रिक वाहन नीति 2022 म कमर्शियल अउ नॉन कमर्शियल दुनों रकम के इलेक्ट्रिक वाहन के परिचालन ल बढ़ावा देना सामिल हावय। येकर तहत राज्य म दू पहिया, तिपहिया, चार पहिया, माल वाहक, यात्री वाहन अउ आन श्रेणी के इलेक्ट्रिक गाड़ी के खरीदी म आने-आने छूट अउ सुविधा मिलही। ए नीति के मुताबिक इलेक्ट्रिक गाड़ी के आसान चार्जिंग सुविधा उपलब्ध कराये बर चार्जिंग स्टेशन के नेटवर्क स्थापित करे जाही। ईवी मालिक ल नेशनल अउ स्टेट हाइवे म निश्चित दूरी म चार्जिंग प्वाईंट उपलब्ध होही।