कलेक्टर डॉ. सर्वेश्वर नरेन्द्र भुरे लिस स्मार्ट सिटी मिशन के ओरा ... पढ़व छत्तीसगढ़ी म समाचार

रायपुर। कलेक्टर डॉ. सर्वेश्वर नरेन्द्र भुरे ह स्मार्ट सिटी मिशन के तहत संचालित कार्य योजना मन के प्रगति के समीक्षा करिस। ओमन सबो संचालित योजना मन ल करार समयावधि म पूरा करे के निर्देश दे हावय। बइठक म रायपुर स्मार्ट सिटी लिमि. के प्रबंध संचालक मयंक चतुर्वेदी ह स्मार्ट सिटी मिशन के ले पूरा करे गे अउ संचालित योजना मन के विस्ता्र ले जानकारी दीस। ए बइठक म मुख्य परिचालन अधिकारी उज्जवल पोरवाल सहित स्मार्ट सिटी के सबो अधिकारी उपस्थित रिहिस।

रायपुर स्मार्ट सिटी लिमि. के सभाकक्ष म आयोजित ए बइठक म ओमन सबो योजना मनके  समीक्षा करिस। ओमन 24X7 जलापूर्ति योजना, नगर निगम ग्राउंड अउ जे.आर. दानी स्कूल भवन जीर्णाेद्धार सहित तरिया के रख-रखाव अउ सौंदर्यीकरण बुता के तको विस्तार ले जानकारी लिस। बइठक म अवगत कराइन के 24X7 जलापूर्ति योजना के क्रियान्वयन लघियात ही सुरू करे जाही। समीक्षा के बखत ये तको बताइन के दानी स्कूल अउ नगर निगम ग्राउंड के बुता आखरी चरण म हावय। कलेक्टर डॉ. भुरे ह युवा मनला शैक्षणिक संसाधन सुलभ कराये बर शहर के बीच वाचनालय के सुविधा बर जगह चयन करके प्रस्ताव तइयार करे के निर्देश तको दे हावय।