रायपुर। थाना खम्हारडीह के एक्सप्रेस-वे म होए कत्ल के पुलिस ह खुलासा करे हावा पुलिस के मुताबिक प्रार्थी दुखित राम यादव ह थाना खम्हारडीह म रिपोर्ट दर्ज कराइन के वो ह चौकीदारी के काम करे खातिर रात अपन मोटर सायकल ले शक्ति नगर ले जीवन विहार कालोनी चौकीदारी करे बर जात रिहिस, के कैलाश रेसीडेन्सी एक्सप्रेस-से रोड ब्रिज के तिर 04 अज्ञात लड़का प्रार्थी ल रोक के चाकू ले प्रार्थी के जांघ अउ शरीर के आन भाग म वारके चोट पहुंचाइस अउ मोबाईल लूट के फरार हो गे। मामला एण्टी क्राईम, सायबर यूनिट अउ थाना खम्हारडीह पुलिस के समिलहा टीम डहर ले अज्ञात आरोपी मन के पतासाजी सुरू करे गिस। टीम के सदस्य मन डहर ले हत्या के सब पहलु ल धियान म रखत घटना जगह के बारिकी ले निरीक्षण करके घटना के संबंध म मृतक के रिश्तेदार सहित आसपास के लोगन ले विस्तार ले पूछताछ करे गिस। प्रकरण म मुखबीर लगाये के संग ही तकनीकी विश्लेषण के माध्यम ले तको अज्ञात आरोपी मन के चिन्हांकित करे के प्रयास करे रिहिस।
एण्टी क्राईम अउ सायबर यूनिट के टीम डहर ले सरलग अज्ञात आरोपी मन के पतासाजी करके जानकारी एकत्र करत घटना जगह के आसपास लगे सी.सी.टी.व्ही. कैमर के फुटेज के तको अवलोकन करिन। इही बखत फुटेज के अवलोकन बाद आरोपी मन के संबंध म कुछ जरूरी जानकारी मिलिस। जेन म टीम के सदस्य मन के फुटेज के तस्दीक करत घटना म संलिप्त एक आरोपी के लाभांडी तेलीबांधा निवासी अजय मोंगराज के रूप म चिन्हांकित करे म सफलता मिलिस अउ अजय मोंगराज ल पकड़के साक्ष्य के आधार म कड़ाई ले पूछताछ करे म आरोपी के डहर ले अपन आन तीन संगी मन के संग लूट/हत्या के ये घटना के कारित स्वीकार करे के संग ये तको बताइन गे के उंकर तीन संगवारी मन घटना ल अंजाम दे के बाद उडीसा फरार हो गे हावय अउ उडीसा म छिपे हावय। घटना म संलिप्त आरोपी भावेश यादव, नंदू सोना अउ चेतन निषाद के तको पकड़ा ओडिसा ले पकड़े गिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।