डॉ. गीतेश अमरोहित ल मिलिस छत्तीसगढ़ रत्न सम्मान, छत्तीसगढ़ अउ छत्तीसगढ़ी के सोर बगरात सरलग लिखत हाबे किताब

अंजोर। छत्तीसगढ़ अउ छत्तीसगढ़ी के सोर बगरावत केउ ठी बड़का किताब ले साहित्य बिरादारी म अपन जबर नाव कमईया साहित्यकार डॉ. गीतेश अमरोहित ल छत्तीसगढ़ी भाषा साहित्य लेखन खातिर प्रतिष्ठित छत्तीसगढ़ रत्न सम्मान ले सम्मानित करे गिस। सांईनाथ फांउडेशन के छेवर म जोंगाए जलासा म बस्तर महाराज कमलचंद्र भंजेदव, पद्मश्री भारती बंधु, आशीष राज सिंघानिया जइसन बड़का सुजानी सियान मनके पहुनाई म ये सम्मान दे गिस।

ये मउका म छत्तीसगढ़ी साहित्यकार मन सोशल मीडिया के माध्य्म ले डॉ. गीतेश अमरोहित ल ये बड़का सम्मान खातिर बधाई अउ शुभकामना पठोय हावय। अंजोर छत्तीसगढ़ी मासिक पत्रिका अउ ऑनलाइन न्यू‍ज पोर्टल कोति ले तको डॉ. गीतेश अमरोहित जी ल गाड़ा-गाड़ा बधाई।