Raipur Police : मोटर साइकिल चोर पकड़ाइस, आरोपी तिर मिलिस 20 दोपहिया वाहन अउ आटो... पढ़व पूरा समाचार छत्तीसगढ़ी म

रायपुर। शहर के आने-आने ठउर ले वाहन चोरी करके बेजइया तीन चोरहा मन पुलिस के हाथ लगे हावय। येमन के तिर ले पुलिस ह अलग जगह ले 20 दोपहिया वाहन अउ 1 आटो पाये हावय। मिले आरो के मुताबिक चोरहा मन म राजा निर्मलकर अउ राहुल साहू के संग एक नाबालिक तको सामिल हाबे। सबो झिन ल गिरफ्तार करके आगू के कार्यवाही करे जात हावय।

Raipur Police एण्टी क्राईम अउ सायबर यूनिट

चोरी के मामला म तको पुलिस तत्पकता ले जांच म लगे हावय। चोरहा मन अब कोनो बिला म खूसरे पुलिस ओला खोज निकाल हाबे। मिले आरो के मुताबिक महंगी-महंगी मोबाइल के चोरी के तको अबड़ शिकायत रिहिस, जेमा पुलिस कोति ले आने-आने कोति ले गुम होए कुल 100 जग मोबाइल फ़ोन ल एण्टी क्राईम अउ सायबर यूनिट के टीम ले पता करवा के मोबाईल फोन मालिक ल सौपे गिस।