खरीफ अउ उद्यानिकी फसल बीमा कराये के मुख्यमंत्री करिस अपील

रायपुर। मुख्यमंत्री भूपेश बघेल ह प्रदेस के सबो किसान ले अपन खरीफ अउ उद्यानिकी फसल मन के बीमा के बीमा कराये के अपील करे हावय। मुख्यमंत्री ह किसान के नाम जारी अपन अपील म किहिन के मौसम के अनिश्चितता अउ स्थानीय प्राकृतिक आपदा के स्थिति म तको किसान मन के आय बने रिहि, इही सेती फसल मनके बीमा कराना जरूरी हावय।

शासन डहर ले किसान के फसल बीमा के सुविधा प्रीमियम रकम म उपलब्ध कराये जात हावय। खरीफ फसल मन के बीमा के खातिर किसान के प्रीमियम रकम के 2 परतिसत  अउ उद्यानिकी फसल मनके बीमा के खातिर प्रीमियम रकम के 5 परतिसत अंशदान के रूप म देत  हावय। किसान रूचि अउ रकम जमा करके अपन फसल मन के बीमा करा के  बड़े जोखिम ले बच सकत हावयं। प्राकृतिक आपदा अउ मौसम के अनिश्चितता के चलत होवइया फसल हानि,उत्पादन म कमी के भरपाई  बीमा दावा रकम ले हो जात हावय। प्रधानमंत्री फसल बीमा योजना ले किसान धान सिंचित अउ असिंचित, अरहर, मूंग, उड़द, मक्का अउ उद्यानिकी फसल मन के बीमा 15 जुलाई तक करा सकही।

मुख्यमंत्री भूपेश बघेल ह किहिन के राज्य म खेती-किसानी के समृद्ध अउ किसान मनला खुशहाल बनाना छत्तीसगढ़ सरकार के प्राथमिकता हावय। छत्तीसगढ़ सरकार के किसान हितैषी नीति अउ योजना मनला देश भर म सराहे जात हावय। छत्तीसगढ़ के पहचान कृषि मॉडल राज्य के रूप म होए लगे हावय।