रायपुर। छत्तीसगढ़ राज्य ओपन स्कूल डहर ले आयोजित हाईस्कूल अउ हायर सेकण्डरी परीक्षा अवइया सितम्बर महीना म होही। ए परीक्षा म सामिल होए बर परीक्षा देवइया विलम्ब शुल्क 500 रूपिया के संग 1 जुलाई ले 15 जुलाई तक आवेदन कर सकत हावय।
ओपन स्कूल ऑनलाइन फॉर्म
सितम्बर 2022 के हाईस्कूल/हायर सेकण्डरी के मउका परीक्षा म सामिल होवइया लइका के संग पहिली बार (सामान्य/क्रेडिट/आर.टी. डी/अन्य बोर्ड ले अनुत्तीर्ण छात्र) सामिल होवइया तको करार तिथि म कार्यलयीन वेबसाइड www.sos.cg.nic.in ले परीक्षा आवेदन फार्म अउ अध्ययन केन्द्र के सूची डाउनलोड करके परीक्षा आवेदन फार्म जमा कर सकत हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।