मुख्यमंत्री भूपेश बघेल के घोसना म अमल, उज्ञाव अउ अमृतपुर सहित 10 गांव म सौर ऊर्जा ले अंजोर

कोरिया। मुख्यमंत्री भूपेश बघेल के निर्देश म लघियात अमल करत जिला प्रशासन डहर ले गांव शिवपुर, सोनहरी, गोयनी, उज्ञाव, अमृतपुर, उधैनी, बघवार, चंदहा, आनंदपुर, कदना ल सौर ऊर्जा ले रोशन करे गिस। जिला के सौर संयंत्र ले संचालित गांव म खराब अउ अकार्यशील बैटरी बैंक ल बदले के कार्यवाही करे जात हावय जेकर ले गांव ल रोशन करे जात हावय। सौर ऊर्जा ले ग्रामीण विद्युतीकरण ले स्थापित सोलर पावर प्लांट के अकार्यशील बैटरी बैंक के बदले के कार्यवाही 10 सुदूर वनांचल गांव म पूरा हो चुके हावय। क्रेडा के प्रभारी अधिकारी ह बताइन के विद्युतविहीन गांव म सौर ऊर्जा ले विद्युतीकरण के कार्यवाही सतत जारी रइही। जानबा होवय के मुख्यमंत्री श्री बघेल ह रामगढ़ म आयोजित भेंट-मुलाकात कार्यक्रम म सुदूर गांव के सौर ऊर्जा ले विद्युतीकरण करके निर्देश दे रिहिस।

जाति परमान पत्र कैम्प शुरू

मुख्यमंत्री श्री बघेल ह जिला प्रवास के बखत जिला म लइका के जरूरी दस्तावेज जाति परमान पाती उपलब्ध कराये के खातिर स्कूल म कैम्प सुरू करे के निर्देश दे रिहिस जेकर परिपालन म स्कूल म जाति परमान पाती बनाये के खातिर बिसेस शिविर आयोजित करे जात हावयं। जाति प्रमाणपत्र जइसे जरूरी दस्तावेज तइयार करके स्कूल म ही लइका ल बांटे करे जाही जेकर ले घरवाला के सहूलियत हो सके।

खड़गवां म स्कूल मरम्मत अउ संधारण के काम शुरू

पाराडोल म होए भेंट मुलाकात कार्यक्रम म खड़गवां के उधनापुर के सरकारी उच्चतर माध्यमिक स्कूल के स्कूली लइका के स्कूल भवन के जीर्णाद्धार के मांग म तुरते घोसना करत मुख्यमंत्री भूपेश बघेल ह लइका के मांग पूरा करिस। मुख्यमंत्री के घोसना म भवन मरम्मत अउ संधारण के बुता तको सुरू कर दे हावय। लइका के सुविधा के खातिर तेज गति ले काम करे जात हावय।