कांकेर जिला स्कूल भवन के मरम्मत के खातिर रकम जारी

अंजोर.कांकेर। जिला के 129 स्कूल भवन के मरम्मत के खातिर जिला पंचायत के मुख्य कार्यपालन अधिकारी सुमीत अग्रवाल डहर ले 95 लाख 94 हजार 400 रूपिया के प्रशासकीय स्वीकृति रकम जारी करे गे हावय। ग्रामीण क्षेत्र म स्थित स्कूल भवन के मरम्मत के खातिर जनपद पंचायत मन के मुख्य कार्यपालन  अधिकारी मनला अउ शहरी क्षेत्र म स्कूल भवन के मरम्मत के खातिर नगरपालिका  अधिकारी मनला रकम जारी करे गे हावयं। जिला पंचायत ले मिले जानकारी के मुताबिक जनपद पंचायत भानुप्रतापपुर ले 28 स्कूल, अंतागढ़ के 26 स्कूल, दुर्गूकोंदल के 03 स्कूल, नरहरपुर विकासखण्ड के 12 स्कूल, कोयलीबेड़ा विकासखण्ड के 24 स्कूल अउ कांकेर विकासखण्ड के 15 स्कूल के मरम्मत के खातिर जनपद पंचायत के मुख्य कार्यपालन  अधिकारी मनको रकम जारी करे गे हावय।

इही रकम ले नगरपालिका परिषद कांकेर ले 13 स्कूल, नगर पंचायत अंतागढ़ के 02 स्कूल, भानुप्रतापपुर नगर पंचायत ले 02 स्कूल, नगर पंचायत चारामा के 01 स्कूल, नगर पंचायत नरहरपुर के 01 स्कूल अउ नगर पंचायत पखांजूर ले 02 स्कूल के मरम्मत के खातिर नगरपालिका  अधिकारी मनको रकम जारी करे गे हावय अउ स्कूल भवन के मरम्मत एक महीना म पूरा करे के निर्देश दिये गे हावयं।