अंजोर.जांजगीर-चांपा। भारतीय थल सेना डहर ले अग्निवीर थल सेना भर्ती रैली के आयोजन नवा रायपुर म 13 ले 22 नवंबर तक करे जाना हावय। जेकर खातिर ऑनलाईन पंजीयन 05 ले 03 सितम्बर 2022 तक भारतीय थल सेना के वेबसाईटwww.joinindianarmy.gov.in म जाके करे जा सकत हावय। अग्निवीर थल सेना भर्ती रैली म सामिल होए के इच्छुक युवा ल ऑनलाईन पंजीयन करना अनिवार्य हावय।
जिला रोजगार अधिकारी ह बताअन के ए भर्ती रैली के माध्यम ले सैनिक सामान्य ड्यटी, सैनिक लिपिक, सैनिक तकनीकी, सैनिक नर्सिंग, सैनिक टेडमेन के पद म भर्ती के कार्यवाही करे जाही। सैनिक सामान्य ड्यूटी के खातिर 10वीं कक्षा 45 प्रतिशत अंक के संग उत्तीर्ण होना जरूरी हावय। सैनिक लिपिक पद के खातिर कला, वाणिज्य अथवा विज्ञान म 12वीं कक्षा 50 प्रतिशत अंक के संग उत्तीर्ण होना जरूरी हावय। थल सेना भर्ती रैली म सामिल होए के इच्छुक युवा जादा जानकारी के खातिर भारतीय थल सेना के वेबसाईट www.joinindianarmy.gov.in के अवलोकन कर सक हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।