ऑटो चोर गिरोह लगिस पुलिस के हाथ, काटके बेमेतरा म कबाड़ी ल बेचय

अंजोर.बेमेतरा। जिला म चोरहा मनके बाढ़त अतलंग अब पुलिस के कड़ाई ले कमतियावत हाबे। मिले आरो के मुताबिक बेमेतरा के ऑटो वाहन चोर गिरोह पुलिस हाथ लगे हावय। चोरहा बड़ा सातिर तरीका ले चोरी करय अउ ओला काट-काट के आने-ओन ल समान ल बेच देवय। पुलिस के बताती ओमन चांरी के ऑटो ल काटके देवकर-बेमेतरा म बेच देत रिहिस कबाड़ी मन तिर। इंजन, बॉडी अउ चक्का सबोच ल आन कोति बरो देत रिहिस। इंजन चोरी करइया 09 आरोपी गिरफ्तार होए हाबे। उंकर तिर ले 01 नग साबूत ऑटों, 02 नग ऑटो इंजन, 11 नग ऑटो के चक्का, ऑटो के कटे बॉडी अउ कटिंग टूल्स बरामद करे होहे।