मुख्यमंत्री निवास म एसो घलोक तीजा-पोरा, बेटी-बहिनी के हाबे अगोरा

अंजोर.रायपुर। तीन दिन तक चलइया छत्तीसगढ़ के पारंपरिक तीजा-पोरा परब उत्साह अब सीएम हाउस म जोर म देखात हाबे। बाजार म रौनक हावय अउ तिजहरिन माता-बहिनी, किसान भाई अउ आम जन ए तिहार ल पूरा उत्साह के संग मनाने बर तइयारी म जुटे हावयं। तीजा-पोरा परब के मउका म साल सहिक एसो घलोक 27 अगस्त के बिहनिया 10.00 बजे ले मुख्यमंत्री निवास म भव्य परब के आयोजन करे जाही। येकर खातिर इहां जोर-शोर ले तइयारी चलत हावयं।

ठेठ पारंपरिक अंदाज म मुख्यमंत्री निवास के प्रांगण के सजाया जात हावय। इहां के पूरा माहौल परब के मुताबिक रंग-बिरंगी अउ हमर छत्तीसगढ़िया संस्कृति के झलक दिखात हावय। नंदी बैल ए प्रांगण म जगह-जगह सजे हावयं, जेन समृद्धि अउ खुसयाली के एहसास दिलात हावयं। सूपा अउ टोकनी म रंग के खूबसूरत कारीगरी के संग एमन ल जगह-जगह गजब निराला अंदाज म सजाये गे हावय। रंग-बिरंगे तोरण अउ पारंपरिक कलाकारी, परब के थीम के मुताबिक इहां के खूबसूरती ल बढ़ात हावय।

मुख्यमंत्री निवास के माहौल ठेठ छत्तीसगढ़िया तीजा- पोरा वाला देखात हावय। प्रदेस के मुखिया मुख्यमंत्री भूपेश बघेल ह माता-बहिनी ले अपील करे हावय के वो ए परब म सामिल होके मुख्यमंत्री निवास के शोभा बढ़ाएं। परब म महिला पत्रकार मन के तको बिसेस रूप ले आमंत्रित करे गे हावय। तिजरहिन माता-बहिनी मुख्यमंत्री निवास ल अपन मायका समझके इहां आएं, उंकर स्वागत हावय।