Raipur District News : जनदर्शन म कलेक्टर ह सुनिस लोगन के समस्या, तुरते निराकरण के दिस निर्देश.., अंजोर छत्तीसगढ़ी म पढ़व पूरा खबर

अंजोर.रायपुर। कलेक्टर डॉ सर्वेश्वर नरेंद्र भुरे ह अपन चेंबर म जनदर्शन के माध्यम ले आम नागरिक के समस्या सुनिस। ओमन जनदर्शन के माध्यम ले जिला के आने-आने विकासखंड के दूर-दराज ले आए नागरिक, ग्रामीणजन, महिला मन के समस्या अउ शिकायत के सुनके अउ उंकर लघियात निराकरण करे के निर्देश संबंधित  अधिकारी मनला दिस। कलेक्टर ह अपन संवेदनशीलता के परिचय देत बड़ आत्मीयता ले नागरिक के समस्या सुनिस। ओमन किहिन के सबो सरकारी योजना मन के उचित क्रियान्वयन करे जाही ताकि योजना मन के लाभ आम लोगन के समय म मिल सके।

आज जनदर्शन म गांव कुरूद के भगत राम ह समिलहा खाता के कृषि भूमि बटांकन अउ रिकॉर्ड दुरुस्तीकरण करे के संबंध म, गांव अकोली के सुरेश दीवान ह औद्योगिक क्षेत्र सिलतरा के उद्योग म आने जाये वाला गाड़ी के सरलग जांच अउ जरूरी कार्यवाही कराये, गांव सारखी के निवासी मन ह सारखी कोलर रद्दा के चौड़ीकरण म अधिग्रहित करे गे जमीन के मुआवजा रकम दिलाये, बी.एस.यु.पी कॉलोनी रायपुर के बाला दास मानिकपुरी ह ई-रिक्शा मदद देवाये के संबंध म, इही रकम ले अन्य ह तको अपन शिकायत अउ समस्या ले संबंधित आवेदन दिस। कलेक्टर ह संबंधित विभाग के  अधिकारी मनला निर्देशित करिन के आम नागरिक के समस्या के समाधान नियम के मुताबिक समय बखत म करें।