अंजोर.रायपुर। संस्कृति विभाग छत्तीसगढ़ शासन डहर ले हरेक साल दे जाये वाला 08 राज्य स्तरीय सम्मान अउ 01 राष्ट्रीय सम्मान कुल 09 सम्मान बर प्रविष्टि मेल ले ऑनलाईन rajyaalankaranculture@gmail.com या पंजीकृत डाक ले संचालनालय संस्कृति अउ पुरातत्व, महंत घासीदास स्मारक संग्रहालय परिसर रायपुर (छ.ग.) 492001 म आखरी तिथि 23 सितम्बर, 2022 तक आमंत्रित करे गे हावय। सम्मान के नियमावली वेवसाईट www.cgculture.in म उपलब्ध हावय।
जानबा होवय के छत्तीसगढ़ शासन डहर ले पं. सुन्दरलाल शर्मा सम्मान साहित्य या आंचलिक साहित्य, दाऊ मंदराजी सम्मान-लोक कला, चक्रधर सम्मान-संगीत अउ कला, छत्तीसगढ़ अप्रवासी भारतीय सम्मान- देश के बाहिर अप्रवासी भारतीय डहर ले सामाजिक कल्याण, साहित्य, मानव संसाधन, निकाय या आर्थिक, किशोर साहू सम्मान - हिन्दी या छत्तीसगढ़ी सिनेमा म रचनात्मक लेखन, निर्देशन, अभिनय, पटकथा लेखन, किशोर साहू राष्ट्रीय सम्मान - हिन्दी या छत्तीसगढ़ी सिनेमा म सर्वश्रेष्ट फिलिम निर्देशन, देवदास बंजारे सुरता पुरस्कार लोक शैली म आधारित प्रदर्शनकारी छत्तीसगढ़ी लोक कला, देवदास बंजारे सुरता पंथी नृत्य पुरस्कार पंथी नृत्य प्रदर्शनकारी कला, जगदलपुरी साहित्य पुरस्कार साहित्य या आंचलिक साहित्य उक के क्षेत्र म उपलब्धि अउ दीर्घ साधना बर 01 नवम्बर 2022 के छत्तीसगढ़ राज्य स्थापना दिवस ‘राज्योत्सव’ राज्य अलंकरण समारोह म चयनित पात्र ल राज्य सम्मान ले विभूषित करे जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।