विश्व हिरदे दिवस म जिला अस्पताल म होइस फोकट म स्वास्थ्य जांच, ...अंजोर छत्तीसगढ़ी म पढ़व पूरा खबर

अंजोर.धमतरी। विश्व हिरदे दिन म जिला अस्पताल धमतरी म फोकट म स्वास्थ्य जांच उपचार शिविर लगाये गिस। ए मउका म मुख्य चिकित्सा अउ स्वास्थ्य अधिकारी डॉ.डी.के.तुरे ह बताइन के ए दिन के मनाये के उद्देश्य हिरदे रोग के खिलाफ लोगन ल जागरूक करना हावय, काबर के दुनिया म हर साल लाखों लोगन के मृत्यु हिरदे रोग ले होवत हावय। ए साल ’यूज हार्ट फॉर एवरी हार्ट’ के थीम म ये दिन मनाये गिस। दुनियाभर म करे  शोध अउ सर्वे रिपोर्ट म ये खुलासा होइस के आजकल कम उमर के लोगन के तको हार्ट अटैक के समस्या होत हावय। अइसे म विश्व हिरदे दिन के मुख्य उद्देश्य लोगन के अपन हिरदे के प्रति सतर्क करना हावय।

दिल ल हैप्पी अउ हेल्दी रखे के खातिर लोगन लाईफ स्टाइल म बदलाव करके सरलग खानपान सही करे अउ 30 साल के उमर होए म सरलग चिकित्सकीय सलाह ले रक्तचाप, शुगर के जांच कराते रेहे के सलाह दीस हावय। बताइन हावय के आज कुल 163 लोगन ह जांच कराया, एमे ले ईसीजी 37, बीपी 41 अउ आरबीएस 29 लोगन के फोकट म जांच होइस।