राष्ट्रीय ट्राइबल डांस फेस्टिवल 2022 के संभाग स्तरीय प्रतियोगिता म पहिली आइस जय गढ़िया बाबा लोक नृत्य सेवा समिति सरईटोला

अंजोर.धमतरी। राष्ट्रीय ट्राइबल डांस फेस्टिवल 2022 के आयोजन रायपुर म होही। येकर पहिली 24 सितम्बर के राजधानी रायपुर म आदिवासी दल के संभाग स्तरीय प्रतियोगिता आयोजित होइस। सहायक आयुक्त आदिवासी विकास विभाग डॉ. रेशमा खान ह बताइन के ये प्रतियोगिता म जिला के दू दल जय गढ़िया बाबा लोक नृत्य सेवा समिति सरईटोला अउ जय लिंगो बाबा आदिवासी नर्तक दल कसपुर ह हिस्सा लिस। संभाग स्तरीय प्रतियोगिता म जय गढ़िया बाबा लोक नृत्य सेवा समिति ह पहिली ठऊर  म अइस। उहें जय लिंगो बाबा आदिवासी नर्तक दल कसपुर ह तीसरा ठऊर  म अइस। पहिली ठऊर  म आए टीम राज्य स्तरीय आयोजन म अपन प्रस्तुति देही।