अंजोर.रायपुर। मुख्यमंत्री भूपेश बघेल अपन प्रदेस व्यापी भेंट-मुलाकात अभियान के तहत कवर्धा जिला के पंडरिया विधानसभा के गांव इंदौरी पहुंचिस। ओमन उहां स्थानीय लोगन ले रूबरू होके राज्य शासन के महत्वाकांक्षी योजना मन के जमीनी स्तर म क्रियान्वयन के जायजा लिस। मुख्यमंत्री बघेल ह स्थानीय लोगन के मांग म केऊ जरूरी घोसना तको करिस। एमे इंदौरी के उप-स्वास्थ्य केंद्र के प्राथमिक स्वास्थ्य केंद्र के रूप म उन्नयन, मरका म जिला सहकारी बैंक के शाखा, धौराबंद अउ खैरा, खरबना-राम्हेपुर अउ कोहड़िया-सूरजपुर-हरदी के बीच सड़क निर्माण, सहसपुर लोहारा के रणवीरपुर म पुलिस चौकी के स्थापना, झलमला-धोथेवाड़ा के बीच सकरी नदी म नवा पुल बनाये के घोसनां सामिल हावयं। ए मउका म वन अउ जलवायु परिवर्तन मंत्री मोहम्मद अकबर, पंडरिया विधायक श्रीमती ममता चन्द्राकर, मुख्यमंत्री के सचिव सिद्धार्थ कोमल सिंह परदेशी अउ अधिकारीगण तको उपस्थित रिहिस।
मुख्यमंत्री भूपेश बघेल ह अपन सम्बोधन म किहिन के नवरात्रि के पावन बेला म आप लोगन के बीच आये हावं। आप सबो के नवरात्रि के बहुत बधाई अउ सुभकामना। ए साल अच्छा बरसात होए जेकर ले फसल तको अच्छा होए अउ किसान खुशहाल हावयं। प्रदेस म हमर सरकार बने म सबले पहिली हमन किसान मन के करजा माफ करिन अउ सरलग उंकर हित म बुता करके रिहिन हावयं। ओमन किहिन के राजीव गांधी किसान न्याय योजना के तीसरी किस्त दीवाली ले पहिली 17 अक्टूबर के किसान मन के खाता म हस्तांतरित कर दे जाही। केन्द्र सरकार डहर ले 2500 रूपिया म धान खरीदी म असहयोग के बाद तको हमर सरकार ह राजीव गांधी किसान न्याय योजना के माध्यम ले किसान मन के उंकर उपज के अच्छा दाम दे हावय। पाछु 4 मई ले भेंट-मुलाकात के ये सिलसिला चलत हावय। लोगन ले मिलत हावयं, उंकर ले बात होत हावयं अउ योजना मन के फीडबैक तको मिलत हावय।
मुख्यमंत्री बघेल ह गांव इंदौरी म भेंट-मुलाकात कार्यक्रम के पहिली स्थानीय महतारी चंडी मंदिर म पहुंच के देवी के विधि-विधान ले पूजा-अर्चना करके प्रदेसवासी के खुसयाली अउ सुख समृद्धि के कामना करिस। महतारी चंडी मंदिर ले भेट मुलाकात कार्यक्रम जगह तक रोड शो के बखत गांव वाला ह पूरा उत्साह के संग मुख्यमंत्री के स्वागत करिन। महिलाओं, बच्चों, बुजुर्ग अउ युवा मन ह मुख्यमंत्री बघेल के नारियल, फूल, आरती करके भव्य स्वागत करिन। रोड शो के बखत मुख्यमंत्री ह सड़क के किनारे म कुछ देर रुककर दुर्गा पंडाल म तको पूजा अर्चना करिस। ए बखत जनप्रतिनिधी मन ह मुख्यमंत्री के पहिली प्रधानमंत्री स्वर्गीय राजीव गांधी के छायाचित्र तको भेंट करिस। युवा मन म मुख्यमंत्री के एक झलक पाये अउ फोटो ले के तको होड़ लगे रही। मुख्यमंत्री बघेल ह आत्मीयतापूर्वक सबो के अभिनंदन स्वीकार करिन।
ग्राम इंदौरी म भेंट-मुलाकात के खातिर पहुंचिस मुख्यमंत्री बघेल के खुमरी पहनाकर अउ हल भेंट करके स्वागत करे गिस। कार्यक्रम म गोठबात के बखत किसान थानवर चंद्रवंशी ह मुख्यमंत्री के बताइन के वो लगभग पौने दू एकड़ क्षेत्र म कृषि बुता करत हावय अउ उंकर करजा माफी योजना के तहत 20 हजार रूपिया के कृषि करजा माफ होइस हावय। थानवर ह मुख्यमंत्री के धन्यवाद देत होइस किहिन के राजीव गांधी किसान न्याय योजना के किस्त तिहार के समय मिले ले अब तिहार के खुशी दोगुनी होही। कार्यक्रम म गांव गोरखपुर ले आए विजय निर्मलकर ह मुख्यमंत्री के बताइन के ओला एक लाख रूपिया के करजा माफी के लाभ मिले अउ राजीव गांधी किसान न्याय योजना के तहत दू किस्त तको मिले हो गे हावय। मुख्यमंत्री डहर ले पूछे जाये म निर्मलकर ह बताइन के योजना ले मिले पइसा ले वो जगदलपुर इंजीनियरिंग कॉलेज म पढ़त लइका के शिक्षा के खर्च उठात हावय। गांव आछी के गोविंद चंद्रवंशी ह बताइन के उंकर 25 हजार रूपिया के करजा माफ होइस। मुख्यमंत्री बघेल ह किहिन के हमर सरकार प्रति एकड़ धान के खातिर 9000 रूपिया अउ गन्ना के खातिर 355 रूपिया प्रति क्विंटल के हिसाब इनपुट सब्सिडी देत हावय।
ग्राम बरबसपुर ले आए किसान संतोष यादव ह मुख्यमंत्री के बताइन के ओमन अब तक 90 हजार रूपिया के गोबर बेचे हावय। जेकर ले ओमन दू छेरी खरीदी रिहिस जेकर संख्या अब 18 हो गे हावय। ओमन बताइन के 31 हजार रूपिया म 4 बोकरा अउ फेर ले गोबर बेचके 75 हजार के मोटर सायकल खरीदे हावय।
भेंट-मुलाकात म सोहागपुर के श्रीमती फूलबाई पटेल ह बताइन के उंकर समूह ह एक लाख रूपिया के वर्मी कम्पोस्ट बेचे हावय। येकर अलावा समूह के सदस्य मन के डहर ले मछली पालन के तको बुता करे जाथे, जेकर ले समूह के 25 हजार रूपिया के आमदनी होइस। गांव मिरमिट्टी के श्रीमती गोमती ह बताइन के उंकर लइका राम योगी शारीरिक रूप ले कमजोर रिहिस। मुख्यमंत्री सुपोषण योजना के तहत गर्म भोजन अउ पोषक आहार मिले ले अब उंकर लइका स्वस्थ हो गे हावय। मुख्यमंत्री ह लइका ले बात के अउ ओला प्यार ले जूनियर योगी कहके पुकारिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।