छत्तीसगढ़ म अब न्यू इंडिया लिटरेसी प्रोग्राम..., अंजोर छत्तीसगढ़ी म पढ़व पूरा खबर

अंजोर.रायपुर। मुख्यमंत्री भूपेश बघेल ह अंतर्राष्ट्रीय साक्षरता दिवस 8 सितंबर के मउका म अपन संदेश म किहिन के छत्तीसगढ़ म नवभारत साक्षरता कार्यक्रम चलाये जाही। ये अभियान 5 साल तक चलही। ए कार्यक्रम म अशिक्षित मनखे मन के बुनियादी साक्षरता अउ अंक ज्ञान दे रे के संग ओला जीवन म आने वाला कुशलता के बारे म तको प्रशिक्षित करे जाही। जेमा डिजिटल साक्षरता, वित्तीय साक्षरता, कानूनी साक्षरता, चुनावी साक्षरता, कौशल विकास, बुनियादी शिक्षा, सतत शिक्षा के संग ही स्वास्थ्य म स्वच्छता म बिसेस रुप ले जागरूक करे के बुता तको करे जाही। मुख्यमंत्री ह किहिन के छत्तीसगढ़ के नवाचारी कार्यक्रम के देश म सरलग सराहना करे हावय। हमन ल प्रदेस के एक चौथाई असाक्षर ल साक्षर करे  जाये के दिशा म सरलग बुता करे हावय। ओमन प्रदेसवासी के अंतर्राष्ट्रीय साक्षरता दिवस के सुभकामना दीस।

स्कूल शिक्षा मंत्री डॉ. प्रेमसाय सिंह ह अपन संदेश म किहिन के राष्ट्रीय शिक्षा नीति म प्रौढ़ शिक्षा अउ जीवन पर्यन्त शिक्षा के जरूरी ठऊर  दे हावय। ओमन किहिन के शिक्षा के गुणवत्ता बर ये जरूरी हावय के शिक्षक मन के संग पालक तको लइका के शिक्षा म योगदान दें, अशिक्षित पालक ल शिक्षित करना गजब जरूरी हावय। ओमन स्कूल शिक्षा विभाग के सबो निकाय अउ शिक्षक मन ले अरजी करिन के स्वयंसेवी शिक्षक बनके शिक्षा ले वंचित मनखे मन के मुख्यधारा म लाने म अपन अमूल्य योगदान दें।

साक्षरता दिवस म आयोजित वेबीनार म सात हजार ले जादा लोगन ह शिरकत करिस। स्कूल शिक्षा सचिव डॉ. एस. भारतीदासन ह किहिन के प्रदेस म साक्षरता कार्यक्रम के मिशन मोड म अउ नवाचारी तरीका ले बुता करे के गौरवशाली इतिहास रिहिन हावय। ओमन समग्र शिक्षा एससीईआरटी अउ राज्य साक्षरता मिशन प्राधिकरण समन्वय के संग बुता के सफलता के खातिर सक्रिय योगदान करे ल किहिन। स्कूल शिक्षा विभाग के बिसेस सचिव अउ राज्य साक्षरता मिशन प्राधिकरण के डायरेक्टर राजेश सिंह राणा ह किहिन के अंतर्राष्ट्रीय साक्षरता दिवस मनाये के फइसला यूनेस्को डहर ले गिस। ओमन किहिन के सशक्त देश के आधारशिला शिक्षा हावय।

अतिरिक्त संचालक एससीईआरटी डॉ. योगेश शिवहरे ह किहिन के राष्ट्रीय शिक्षा नीति म प्रौढ़ शिक्षा अउ जीवन पर्यन्त शिक्षा के बिसेस महत्ता दे हावय। राज्य पाठ्यचर्या म पहिली बार प्रौढ़ शिक्षा के विषय के सामिल करे गे हावय। पूरा देश म छत्तीसगढ़ के पहिली राज्य हावयं, जिहां एससीआरटी म साक्षरता केंद्र स्थापित करे गे हावय। राज्य शिक्षा मिशन प्राधिकरण म असिस्टेंट डायरेक्टर अउ नोडल अधिकारी प्रशांत कुमार पांडेय ह अंतर्राष्ट्रीय साक्षरता सप्ताह के बारे म एक प्रस्तुतीकरण दीस। कार्यक्रम के सुरू म राज्य गीत, नवभारत साक्षरता कार्यक्रम अउ गढ़बो डिजिटल छत्तीसगढ़ म केंद्रित फिलिम के प्रदर्शन करे गिस।