युगांतकारी साहित्यकार मुक्तिबोध के पुण्यतिथि म 11 सितम्बर के व्याख्यान

अंजोर.रायपुर। भारत के युगांतकारी साहित्यकार गजानन माधव मुक्तिबोध के 58वीं पुण्यतिथि 11 सितंबर, इतवार के मुक्तिबोध परिवार अउ साहित्य अकादमी, छत्तीसगढ़ ह मिलके एक सुरता व्याख्यान आयोजित करे हावय। कार्यक्रम महंत घासीदास स्मारक संग्रहालय के सभागार म बिहनिया 11 बजे ले होही।

साहित्य अकादमी, छत्तीसगढ़ के अध्यक्ष ईश्वर सिंह ले मिले जानकारी के मुताबिक कार्यक्रम म युवा आलोचक अउ दिल्ली विश्वविद्यालय म हिंदी के प्रोफेसर विनोद तिवारी “मुक्तिबोध: साहित्य के जीवन-विवेक” विषय म व्याख्यान दिही। विनोद तिवारी हिंदी साहित्य के चर्चित पत्रिका पक्षधर के संपादक तको हावयं। कार्यक्रम के अध्यक्षता हिंदी के परसिध आलोचक अउ विचारक जयप्रकाश करही। वक्तव्य के पहिली युवा गायक अउ संगीतकार वसु गंधर्व अउ अजुल्का सक्सेना मुक्तिबोध के कविता के प्रस्तुति दिही।