प्रदेस म बालवाड़ी योजना के शुभारंभ करिन मुख्यमंत्री भूपेश बघेल

अंजोर.रायपुर। मुख्यमंत्री भूपेश बघेल ह नवा शिक्षा नीति के अनुसार खेल’खेल म लइका ल सीखाये अउ समझाये के क्षमता विकसित करे के खातिर अपने निवास कार्यालय म आज 5 सितंबर के शिक्षक दिवस के मउका म प्रदेस म बालवाड़ी योजना के शुभारंभ करिन हावय। स्कूल शिक्षा विभाग उहर ले बालवाड़ी योजना पांच ले छः साल तक के उमर के लइका के खातिर सुरू करे गिस। 'जाबो बालवाड़ी बढ़ाबो शिक्षा के गाड़ी' के थीम के संग मुख्यमंत्री निवास कार्यालय म मुख्यमंत्री भूपेश बघेल ह शिक्षा मंत्री प्रेमसाय सिंह टेकाम के मौजूदगी म ए योजना के शुरूआत करे हावय।

बालवाड़ी योजना के माध्यम ले लइका सीखे खातिर प्रोत्साहित होही अउ ओला स्कूल के माहौल के खातिर तैयार करे जा सकही। लइका के खातिर हर बालवाड़ी म आंगनबाड़ी सहायिका के अतिरिक्त संबद्ध प्राथमिक स्कूल के एक सहायक शिक्षक ल तको तैनात करे जाही अउ येकर खातिर सहायक  शिक्षक के हर माह 500 रूपिया के अतिरिक्त मानदेय तको दे जाही।

लइका ल खेल-खेल म अउ रोचक तरीका ले अध्यापन बुता कराये के खातिर आंगनबाड़ी सहायिका अउ शिक्षक मन ल विशेष प्रशिक्षण दे गे हावय।  सबोच बालवाड़ी के खातिर लइका के अनुकूल फर्नीचर,  खेल सामग्री अउ प्रिंटरीच रंग-रोगन के खातिर 01 लाख रूपिया के स्वीकृति तको दे गे हावय। ए साल 5173 बालवाड़ी प्रारंभ करे गे हावयं अउ आने वाला साल म राज्य के सबो क्षेत्र म चरणबद्ध रूप ले बालवाड़ी खोले जाही।