अंजोर.रायपुर। संघ लोक सेवा आयोग नवा दिल्ली डहर ले आयोजित सिविल सर्विस 2022 के मुख्य परीक्षा 16 सितंबर ले सुरू होके 17 अउ 18 सितंबर अउ 24 अउ 25 सितंबर के आयोजित करे जाही। पहिली पाली बिहनिया 9 बजे ले मंझनिया 12 बजे तक अउ दूसरइया पाली मंझनिया 2 बजे ले संझा 5 बजे तक संचालित करे जाही। ए परीक्षा म 576 परीक्षा देवइया सामिल होही।
कलेक्टर ह परीक्षा के सुचारू संचालन बेवस्था सुनिश्चित करे के खातिर सुश्री रूचि शर्मा, डिप्टी कलेक्टर के सहायक को-ऑर्डिनेटिंग सुपरवाइजर नियुक्त करे हावय। परीक्षा के बखत सबो परीक्षा देवइया अउ अधिकारी मन-कर्मचारी ल कोविड-19 महामारी के दिशा-निर्देशानुसार सोशल डिस्टेसिंग, सेनेटाईजेशन, मास्क पहनना अउ आन सबो दिशा निर्देश के पालन करना अनिवार्य होही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।