छत्तीसगढ़ी भाषा म हावय हमर पीढ़ी के ज्ञान, अंग्रेजी के संग छत्तीसगढ़ी तको फर्राटे ले बोलें तब बनही बात : मुख्यमंत्री भूपेश बघेल

अंजोर.रायगढ़। हमला अंग्रेजी के ज्ञान होना चाही, ये आगू बढ़े के खातिर बहुत जरूरी हावय फेर अच्छा इंसान बने रेहे के खातिर अपन जड़ ले जुड़ना तको बहुत जरूरी हावय अउ येकर खातिर हमन ल स्थानीय भाषा के ज्ञान जरूरी हावय। हमर स्थानीय भाषा हमन ल अपन परिवेश के समझ देवात हावय परंपरा ले आये ज्ञान सिखोत हावयं। अन्यथा इतनी सारी पीढ़ी के जेन ज्ञान छत्तीसगढ़ी भाषा म हावय, ओला भूला जाही, छत्तीसगढ़ी नइ समझ पाही त कतका बड़का नुकसान हो जाही। इही सेती स्कूल म खूब अंग्रेजी पढ़ाएं फेर छत्तीसगढ़ी के उपेक्षा नइ होना चाही, ये ओतका ही जरूरी हावय।