खराब सड़क ह बरसात खतम होतेच बनही : मुख्यमंत्री भूपेश बघेल

अंजोर.रायगढ़। रायगढ़ म 467 करोड़ के लागत ले 260 किलोमीटर सड़क बनही, मुख्यमंत्री भूपेश बघेल ह किहिन हावय के रायगढ़ जिला म खराब सड़क के बनाये के काम बरसात खतम होवत करे जाही। ओमन धरमजयगढ़ विधानसभा के छाल म गांव वाला के संबोधित करत किहिन के मैं तुँमन ल विश्वास देवात हावं के रायगढ़ जिला के खराब सड़क के जल्दीअ ही बनाये जाही।

ओमन किहिन के पीडब्ल्यूडी सचिव सिद्दार्थ कोमल परदेशी ह सबो खराब सड़क के जायजा ले हावय अउ अउ वो स्वयं तको सरलग मॉनिटरिंग करत रिहिन हावयं। जानबा होवय के रायगढ़ जिला म भारी गाड़ी के बहुत जादा दवाब हावय, इही सेती सड़क के स्थिति बरसात के बाद ठीक करे जाही। लोकनिर्माण विभाग के सचिव सिद्दार्थ कोमल परदेशी ह जानकारी दीस के रायगढ़ ले धरमजयगढ़ 130 करोड़ के लागत ले 70 किलोमीटर , खरसिया-छाल-हाटी-धरमजयगढ़-पत्थलगांव तक 190 करोड़ के लागत ले 90 किलोमीटर सड़क ,छाल ले घरघोड़ा तक 48 करोड़ के लागत ले 23 किलोमीटर सड़क , पूंजीपथरा-तमनार -मिलूपारा तक 62 करोड़ के लागत ले 26 किलोमीटर सड़क ,सारंगढ़-बरमकेला-सोहेला रद्दा साढ़े 8 करोड़ के लागत ले 8 किलोमीटर, बरमकेला-सरिया-नदीगांव सड़क साढ़े सात करोड़ के लागत ले 18 किलोमीटर , घरघोड़ा ले लैलूंगा तक 7 करोड़ के लागत ले 15 किलोमीटर अउ सूरजगढ़ ले पड़िगांव तक 6 करोड़ के लागत ले 3 किलोमीटर तक सड़क बनाये जाही।