अंजोर.रायपुर। खरीफ विपणन साल 2022- 23 म समर्थन कीमत म धान अउ मक्का बेचे बर किसान मन के खातिर एकीकृत किसान पोर्टल म पंजीयन कराये जाये के प्रक्रिया जारी हावय। ए पोर्टल म किसान 31 अक्टूबर 2022 तक पंजीयन करा सकत हावयं। खरीफ साल 2021-22 म समर्थन कीमत म धान बेचे करे वाला किसान मनके धान फसल बर एकीकृत किसान पोर्टल म नवा पंजीयन कराये के जरूरत नइ होही, किंतु अइसे धान उत्पादक किसान जोन खरीफ साल 2021-22 म धान बेचे बर पंजीयन नइ कराए रिहिस, उन किसान मनके नवा पंजीयन कराना होही।
छत्तीसगढ़ खाद्य, नागरिक आपूर्ति विभाग मंत्रालय डहर ले ए संबंध म जारी आदेश के तहत एकीकृत किसान पोर्टल म किसान मनके नवा पंजीयन अउ पंजीकृत फसल या रकबे म संशोधन के कार्यवाही तको 31 अक्टूबर तक के जानी हावय। पंजीकृत कृषको ले ही समर्थन कीमत म धान अउ मक्का के खरीदी के जाही।
इहां ये जानबा होवय के प्रदेस के किसान मनके आने-आने सरकारी योजना मन के लाभ ले बर पृथक- अलग कार्यालय म आवेदन या पंजीयन कराना पड़त रिहिस जेकर ले समय, संसाधन उक के अपव्यय होवत रिहिन हावय।
राज्य शासन डहर ले प्रक्रिया के सरलीकरण करके आने-आने योजना मन के खातिर एक प्लेटफार्म म किसान पंजीयन बर एकीकृत किसान पोर्टल विकसित करे गे हावय अउ किसान धारित भूमि क अउ बोए गे फसल मन के रकबा सत्यापन बर एला भुईया पोर्टल ले लिंक करे गे हावय। एकीकृत किसान पोर्टल म राजीव गांधी किसान न्याय,योजना मुख्यमंत्री वृक्षारोपण प्रोत्साहन योजना, धान अउ मक्का उपार्जन ,कोदो -कुटकी अउ रागी उपार्जन योजना के सामिल करे गे हावय। ए पोर्टल म सबो श्रेणी के भू धारक अउ वन पट्टा धारी किसानपंजीयन करा सकत हावयं।
मुख्यमंत्री वृक्षारोपण प्रोत्साहन योजना ले वन पट्टा धारक, गांव पंचायत अउ समिलहा वन प्रबंधन समिति जेन अपन उपलब्ध भूमि म वृक्षारोपण करत हावयं, ओला तको पोर्टल म पंजीयन के पात्रता होही। खरीफ मौसम के सबो कृषि अउ उद्यानिकी फसल अउ धान के बदले सुगंधित धान , फोर्टीफाइड धान अउ वृक्षारोपण करे वाला किसान मनके एकीकृत किसान पोर्टल म पंजीयन जरूरी हावय। एकीकृत किसान पोर्टल म नवा पंजीयन बर करजा पुस्तिका, बी-1 ,आधार नंबर, बैंक पासबुक के छायाप्रति के संग करार प्रपत्र म आवेदन करे होही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।