छत्तीसगढ़िया ओलंपिक के आयोजन के तइयारी शुरू

अंजोर.रायपुर। छत्तीसगढ़िया ओलंपिक 2022-23 के सफल आयोजन के खातिर मुख्य सचिव ह खेल अउ युवा कल्याण विभाग, पंचायत अउ ग्रामीण अउ नगरीय प्रशासन विभाग के  अधिकारी मनको जरूरी तइयारी करे के निर्देश दे हावयं। बइठक म जानकारी दीस गे के छत्तीसगढ़िया ओलंपिक खेल के प्रतियोगितायें छह स्तर म आयोजित होही। एमे राजीव युवा मितान क्लब, जोन स्तर, विकासखण्ड, जिला, संभाग अउ राज्य स्तर म होही। प्रतियोगिता नगरीय अउ ग्रामीण क्षेत्र के खिलाड़ी के खातिर आने-आने होही। खेल प्रतियोगिता के खातिर सबोच स्तर म आयोजन समिति गठित करे जाही जेन खेल के आयोजन के व्यवस्था, मानिटरिंग अउ जरूरी प्रबंधन करही।

छत्तीसगढ़िया ओलंपिक म छत्तीसगढ़ के खेल विधा म गिल्ली डंडा, पिट्टूल, संखली, लंगडी दौड़, कबड्डी, खो-खो, रस्साकसी, बाटी (कंचा) बिल्लस, फुगडी, गेढ़ी दौड़, भंवरा, 100 मीटर दौड़ अउ  लंबी कूद सामिल हावयं। खेल प्रतियोगिता महिला अउ आदमी के खातिर होही। एमे 18 साल तक उमर के लिए, 18 ले 40 साल अउ 40 साल ले जादा वर्ग के खातिर खिलाड़ी के प्रतियोगिता आयोजित होही। खेल प्रतियोगिता के विजेता मन ल जनवरी 2023 म आयोजित युवा महोत्सव म पुरस्कृत करे जाही। बइठक म नगरीय प्रशासन विभाग के सचिव श्रीमती अलरमेल मंगई डी., राजस्व विभाग के सचिव एन.एन.एक्का, खेल संचालक श्रीमती श्वेता सिन्हा सहित आन विभाग के अधिकारी सामिल।