दिव्यांग पात्रता प्रमाण-पत्र शिविर रोजगार कार्यालय म

अंजोर.रायपुर।  दिव्यांगज़न के खातिर स्थापित बिसेस रोजगार कार्यालय डहर ले जुन्ना पुलिस मुख्यालय परिसर म  दिव्यांगजन बर पात्रता परमान पाती शिविर के आयोजन करे गिस। शिविर म श्रम अउ रोजगार मंत्रालय के जबलपुर के टीम डहर ले कुल उपस्थित 167 म ले 153 आवेदन पत्र, पात्रता परमान पाती बर मिले जेमा 48 दिव्यांग ल पात्रता परमान पाती जारी करे गिस।

विशेष रोजगार कार्यालय के उपसंचालक डॉ.शशीकला अतुलकर ह बताइन के जारी करे गे परमान पत्र म 27 बी. एड., 08 बी. ई., 01 नीट, 02 डी. एड., 02 बी. एस. सी. (नर्सिंग), 02 बी. एस. सी. (एग्रीकल्चर), 02 एम. एस. सी (एग्रीकल्चर), 01 डी. ई. एल.डी., 02 डी. फार्मेसी, 01 पी.एच.डी. दिव्यांगों के पात्रता परमान पाती जारी करे गिस। पात्रता परमान पाती बर अइसे आवेदन करइया तको उपस्थित जेकर एडमिशन बर काउसिलिंग रिहिस ओला तुरते पात्रता परमान पाती जारी करे गिस। सरी छत्तीसगढ़ ले आवेदन करइया ह पात्रता परमान पाती बनवाइन। कार्यक्रम के विषय म जानकारी दे करत उपसंचालक ह बताइन के राज्य स्तर म पहिली बार बड़का स्तर म शिविर के आयोजन करे गिस। ओमन अवगत कराइन के पात्रता परमान पाती बर कार्यालय राज्य म ही सुरू करे बर उचित माध्यम ले महानिदेशालय नवा दिल्ली के लिखा गे हावय। यदि कार्यालय राज्य म ही स्थापित होही त ये सुविधा दिव्यांगजनों के स्थानीय स्तर म उपलब्ध हो सकही।