दिव्यांगजन बिहाव प्रोत्साहन योजना ले आठ दिव्यांग दंपति ल मिलिस प्रोत्साहन रकम के चेक..., अंजोर छत्तीसगढी म पढ़व पूरा खबर

अंजोर.रायपुर। समाज कल्याण विभाग डहर ले संचालित दिव्यांगजन बिहाव प्रोत्साहन योजना ले आठ दिव्यांग दंपति के प्रोत्साहन रकम के चेक दे गिस। कलेक्टोरेट परिसर स्थित रेडक्रास सभाकक्ष म सामान्य सभा के बइठक के बखत जिला पंचायत रायपुर के अध्यक्ष श्रीमती डोमेश्वरी वर्मा, उपाध्यक्ष टंकराम वर्मा, माखन कुर्रे अउ सौदागर सोनकर सदस्य जिला पंचायत रायपुर के डहर ले बिहाव प्रोत्साहन रकम के धनादेश दे गिस। ए मउका म विभागीय कर्मचारी उपस्थित रिहिस।

समाज कल्याण विभाग के समिलहा संचालक ह बताइन के पांच दिव्यांगजन दंपति ल अलग-अलग एक लाख रूपिया अउ तीन दिव्यांगजन ल पचांस हजार रूपिया कुल छः लाख पचांस हजार रूपिया के चेक दे गिस। जेन हितग्राही मन के चेक दे गे हावय ओमा रूपेश कुमार साहू अउ राधिका साहू, राम कुमार साहू अउ धनेश्वरी साहू, भागवत यादव अउ सुखवन्तीन यादव, सुनिसल कुमार सेन अउ आंगन पटेल, उत्तम कुमार साहू अउ किरण साहू, मोहसीन खान, रमाकान्त साहू अउ नेहुल बोथरा सामिल हावय।