अंजोर.रायपुर। जिला कौशल विकास प्राधिकरण रायपुर डहर ले संकल्प परियोजना ले लाईवलीहुड कॉलेज जोरा म प्लेसमेंट कैंप के आयोजन 20 सितम्बर 2022 के बिहनिया 11 बजे ले के जाही। ए प्लेसमेंट कैंप म निजी क्षेत्र के प्रतिष्ठान पेस गियर अपेरेल रायपुर अउ ईसाडोरा लाइफ स्टाईल रायपुर डहर ले नियुक्ति बर साक्षात्कार ले जाही। ये संस्थान डहर ले मास्टर टेलर अउ टेलर ट्रेनी उक के 25 पद के बर साक्षात्कार ले जाही।
सहायक संचालक जिला कौशल विकास प्राधिकरण रायपुर ह बताइन के रायपुर जिला के वो युवा जेन कम से कम 10वीं परीक्षा पास अउ जेकर उमर 21 साल ले 35 साल तक हावय। अइसे युवा अपन सबो परमान पत्र के मूल अउ सत्यापित प्रतिलिपि के संग प्लेसमेंट कैंप म साक्षात्कार के बर उपस्थित हो सकत हावयं। ये प्लेसमेंट कैंप युवा मनबर पूरा फोकट म हावय। मुख्यमंत्री कौशल विकास योजना या प्रधानमंत्री कौशल विकास योजना ले सेल्फ एम्पलायड टेलर अउ सिविंग मशीन ऑपरेटर व्यवसाय म कौशल प्रशिक्षित युवा मन के चयन म प्राथमिकता दे जाही। चयनित युवा मन के उंकर योग्यता अउ अनुभव मुताबिक प्रतिमाह 8 ले 12 हजार रूपिया के वेतन दे जाही अउ इंकर कार्यक्षेत्र रायपुर जिला होही। टेलर ट्रेनी के प्रशिक्षण बखत म 6 हजार ले 8 हजार रूपिया के मानदेय दे जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।