शतरंज के महाकुंभ 18 सितंबर ले राजधानी रायपुर म..., अंजोर छत्तीसगढी म पढ़व पूरा खबर

अंजोर.रायपुर। रायपुर अखिल भारतीय शतरंज महासंघ, खेल अउ युवा कल्याण अउ छत्तीसगढ़ ओलंपिक एसोसिएशन के मार्गदर्शन अउ संरक्षण म छत्तीसगढ़ प्रदेस शतरंज संघ डहर ले छत्तीसगढ़ चीफ मिनिस्टर ट्रॉफी इंटरनेशनल ग्रैंडमास्टर्स चेस टूर्नामेंट के आयोजन वृहद स्तर म 18 ले 28 सितंबर तक राजधानी रायपुर म आयोजित करे जात हावय। ए टूर्नामेंट म विश्व  के 15  देश के लगभग 500 शतरंज के दिग्गज सामिल होही।

प्रतियोगिता म भारत, रूस, उक्रेन, जॉर्जिया, यूएसए, कज़ाकिस्तान, मंगोलिया, पोलैंड, वियतनाम, कोलंबिया, ईरान, श्रीलंका, बांग्लादेश, जिम्बाब्वे अउ नेपाल सहित 15 देश ले भाग ले वाला खिलाड़ी के एंट्री हो चुके हावय। जेमा 16 ग्रैंड मास्टर, 27 इंटरनेशनल मास्टर, 03 वीमेन ग्रैंड मास्टर, 11 वीमेन इंटरनेशनल मास्टर, 14 फिडे मास्टर, 375 इंटरनेशनल रेटेड प्लेयर्स।

मास्टर वर्ग म दिल्ली ओपन के खिताब जीत चुके जॉर्जिया के अनुभवी ग्रांड मास्टर लेवान पंतसुलाइया के टॉप वरीयता दे गे हावय। रूस के ग्रैंड मास्टर बोरिस सवचेंको जेला ए प्रतियोगिता म तीसरी वरीयता दे गे हावय, के रायपुर आगमन हो चुके हावय। ए आयोजन ले देश प्रदेस के रेटेड खिलाड़ी के अपन रेटिंग सुधारे, जीएम अउ आईएम नॉर्म अउ टाइटल मिले करे के मउका मिलत हाबे। अंतर्राष्ट्रीय महत्ता के ए आयोजन ले नी केवल छत्तीसगढ़ राज्य बल्कि पूरा भारत के नाम विश्व शतरंज के मानचित्र म अवलोकित होही।

 ए प्रतियोगिता म विजेता ट्रॉफी के अलावा कुल 35 लाख रूपिया पुरस्कार रकम रखे गे हावय जेन अब तक के सबले जादा इनामी रकम हावय। प्रतियोगिता दू कैटेगरी मास्टर्स अउ  चैलेंजर्स के रूप म करायी जा रेहे हावय।

मास्टर्स केटेगरी के प्रतियोगिता होटल ग्रेंड इम्पीरिया म 10 राउंड म संपन्न होही, जेन के रोज मंझन 3 बजे खेली जाही। मास्टर्स कैटेगरी म 23 लाख रूपिया अउ ट्रॉफी पुरस्कार स्वरूप विजयी खिलाडियों के दे जाही।

चैलेंजर्स केटेगरी के प्रतियोगिता शगुन फॉर्म वीआईपी रोड रायपुर म 9 राउंड म संपन्न होही। बिहनिया 9 बजे अउ मंझन 3 बजे खेली जाही। चैलेंजर्स म 12 लाख रूपिया अउ ट्रॉफी पुरस्कार स्वरूप विजयी खिलाड़ी  ल दे जाही। ए अंतर्राष्ट्रीय प्रतियोगिता के शुभारम्भ छत्तीसगढ़ के मुख्यमंत्री भूपेश बघेल करही संग ही ए आयोजन म चेयरमेन फिडे एडवाइजरी बोर्ड भरत सिंह चौहान,, खेल मंत्री उमेश पटेल, महापौर रायपुर एजाज ढेबर, महासचिव  छत्तीसगढ़ ओलम्पिक संघ गुरुचरण सिंह होरा अउ अध्यक्ष छत्तीसगढ़ प्रदेस शतरंज संघ राघवेंद्र सिंघानिया के उपस्थिति म संपन्न होही।

मुख्य निर्णायक

महाराट्र के अंतर्राष्ट्रीय निर्णायक स्वप्निल बंसोड़ के अखिल भारतीय शतरंज संघ डहर ले मुख्य निर्णायक के दायित्व सौपा गे हावय। भिलाई इस्पात संयंत्र के सहायक महाप्रबंधक अउ अंतर्राष्ट्रीय निर्णायक अलंकार भिवगड़े उप मुख्य निर्णायक होही। इनको सहयोग करे के खातिर देश के आने-आने राज्य के 20 अनुभवी निर्णायक के सहयोग होही।

सीएम ट्रॉफी के लाइव प्रसारण

इन प्रतियोगिता के चुनिंदा 50 खेल के विश्व के प्रमुख चेस साइट के माध्यम ले रोज लाइव प्रसारण करिन जाही। येकर जिम्मा तमिलनाडु के अंतरराष्ट्रीय निर्णायक आनंद बाबू के दे हावय जेन मन 44 वो विश्व शतरंज ओलिंपियाड म सफलता पूर्वक 700 लाइव गेम के प्रसारण  करके विश्व कीर्तिमान बनाये रिहिस। चेस बैस इंडिया के निखलेश जैन चुनिंदा खेलो के लाइव कॉमेंट्री यूट्यूब के माध्यम ले करही। प्रतियोगिता पेयरिंग अउ परिणाम रोज चेस एण्ड रिजल्टस डाट कॉम के माध्यम ले देखे जा सकही।