डब्ल्यू. आर. एस. दशहरा परब के तइयारी ओरा लिस महापौर एजाज ढेबर, विधायक कुलदीप जुनेजा के संग कलेक्टर डॉ. सर्वेश्वर नरेंद्र भुरे अउ एस.एस.पी. प्रशांत अग्रवाल

अंजोर.रायपुर। डब्ल्यू.आर.एस. कॉलोनी म विजयदशमी परब म आयोजित होवइया ऐतिहासिक दशहरा परब तइयारी के आरो खातिर आज महापौर एजाज ढेबर, छ.ग. गृह निर्माण मंडल के अध्यक्ष अउ विधायक कुलदीप जुनेजा, कलेक्टर डॉ. सर्वेश्वर नरेंद्र भुरे, वरिष्ठ पुलिस अधीक्षक प्रशांत अग्रवाल, नगर निगम कमिश्नर मयंक चतुर्वेदी सहित आयोजन समिति के पदाधिकारी पहुंचिस।

राजधानी रायपुर के डब्ल्यू.आर.एस. कॉलोनी मैदान म पाछु 52 साल ले ऐतिहासिक दशहरा परब के आयोजन करे जात हावय, मुख्यमंत्री भूपेश बघेल तको ए ऐतिहासिक आयोजन म बतौर मुख्य पहुना सामिल होवत हावयं। ए आयोजन ल लेके अंचल म बिसेस उत्साह रहे हावय अउ लाखों के संख्या म अंचलवासी रावण वध देखे ए मैदान म एकत्र होवत हावयं।

डब्ल्यू.आर.एस. कॉलोनी मैदान म ए साल तको आयोजन के तइयारी के जात हावयं। येकर ले रावण, मेघनाथ अउ कुंभकर्ण के विशाल पुतल के बनाये सुरू होगे हावय। येकर अलावा परसिध टीवी सीरियल रामायण के भगवान राम अउ सीता के भूमिका निभइया अरुण गोविल अउ दीपिका चिखलिया तको ए आयोजन म सामिल रइही। आयोजन समिति डहर ले शोभायात्रा, आकर्षक आतिशबाजी के संग पूरा आयोजन के भव्य स्वरूप दे जात हावय। महतारी कौशल्या के जनम स्थली अउ भगवान राम के ननिहाल अउ राम वन गमन पथ के रूप म प्रतिष्ठित छत्तीसगढ़ म विजयादशमी परब के खातिर बिसेस उत्साह रहय हावय।

कलेक्टर डॉ. भुरे ह आज ए आयोजन ले जुरे सबो तइयारी के विस्तार ले जायजा लिस अउ  अधिकारी मनको दिशा-निर्देश दिस। दशहरा परब समिति के पदाधिकारी मन ह अब तक करे गे तइयारी के ओला विस्ता्र ले जानकारी दीस। कलेक्टर ह अधीनस्थ  अधिकारी मनला निर्देशित करिन हावय के ए गरिमामय आयोजन ले जुरे सबो तइयारी सुनिश्चित के जाएं अउ जन सुविधा, लोक सुरक्षा, आवागमन, पेयजल, साफ-सफाई जइसे बुनियादी सुविधा के बिसेस धियान रखें।