अंजोर.सिनेमा। बिलासपुर अंचल के बड़का फिल्ममेकर मन म एक नाम शिव नरेश केशरवानी के तको आथे, केशरवानी फिल्म प्रोडक्शन अभी तक छॉलीवुड ल ‘प्रेम के बंधना, एक और लव स्टोरी’ जइसे मनोरंजक फिल्म दे डारे हावय। दूनो फिल्म ल दर्शक मन खूब पसंद करिस। छॉलीवुड म मया ल अलग-अलग अंदाज म परोसने वाला शिव नरेश केशरवानी अब एक अऊ नवा फिल्म लेके आवत हावय जेकर नाम हाबे प्लस 2, येमा आकाश सोनी के संग अदाकारा रिचा शर्मा ह हाबे।
आकाश सोनी के काम के छॉलीवुड के संग दर्शक मन तको गजब बड़ई करे हाबे। दर्शक मनके बीच म अपन अभिनय के दम म नाम बनाने वाला आकाश सोनी ल तको ये फिल्म ले गजब उम्मीद हाबे। पोस्टर अउ मिले आरो के मुताबिक यहू फिल्म ह मया के रंग रंगाये दिखत हाबे, स्कूल लाइफ के प्रेम स्टोरी झलकत हाबे। फेर मया ल आगू कहां तक देखये गे हावय ये तो पूरा फिल्म ल देखे के बादे पता चलही। जब-जब छॉलीवुड मया के रंग म रंगे कोनो फिल्म लाथे तब-तब उंकर फिल्म ले जादा गाना ह दर्शक के मन म तबाही मचा देथे, का इहू फिल्म- म गाना धूम मचाही, अऊ कोन-कोन हाबे फिलम म जाने बर जुड़े राहव हमर संग अउ पढ़त राहव ‘अंजोर’ छत्तीसगढ़ी समाचार।
आगू यहू ल पढ़व
- शिव नरेश केशरवानी, फिल्म निर्माता
- आकाश सोनी, अभिनेता
- रिचा शर्मा, अभिनेत्री
फिल्म- एक और लव स्टोरी
फिल्म- प्रेम के बंधन
darling pyar jhukta nahin, ba first year chhattisgarhi film, chhattisgarhi natak, chhattisgarhi naya film, new chhattisgarhi film, has jan pagli fas jabe chhattisgarhi film, cg film
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।