लखीमपुर खीरी गैंगरेप हत्या म 6 आरोपी पकड़ाइस, देश काहत हाबे 48 घंटा म देवव फांसी.., अंजोर छत्तीसगढी म पढ़व पूरा खबर

अंजोर.लखीमपुर एजेंसी। उत्तर प्रदेस के लखमीपुर म कुछ समय पहिली एक दर्दनाक हादसा होइस। जिहां दू सगे नाबालिग बहिनी के लाश पेड़ ले लटकी मिले रिहिस। ए मामला म पुलिस ह 6 आरोपी मन के गिरफ्तार तको करे हावय। हादसा म एक बड़का खुलासा होइस जेमा बताये जात हावय के लड़की मन के रेप करे के बाद गाला दबाके पेड़ ले लटकाये रिहिसे। मिले आरो के मुता‍बिक ए बात के पुष्टि पोस्टमार्टम होए के बाद करे गिस।

लखीमपुर खीरी गैंगरेप हत्या: 6 अरेस्ट, एक आरोपी ल मुठभेड़ म लगिस गोली

उत्तर प्रदेस के लखीमपुर खीरी मामला पुलिस अधिकारी मन बताइन के छह आरोपी मन के पहचान छोटू, जुनैद, सोहेल, हाफिजुल, करीमुद्दीन अउ आरिफ के रूप म होए हावय। आरोपी म छोटू ल छोड़के सबो आरोपी लखीमपुर खीरी के लालपुर गांव के रिहिस। छोटू, जेन पीड़िता के पड़ोसी रिहिस, ह दुनों ल आरोपी ले मिलवाये रिहिस।

देश म फेर उठत हाबे फांसी के मांग

जब ले आरोपी के पकड़ाये के आरो मिले हाबे देशभर ले लोगन मन सोशल मीडिया म सरलग आरोपी मनला फांसी दे के मांग करत हाबे। अइसन अलहन करइया ल पुलिस गोली मार दे रितिस तेने बने रिहिस। उत्तर प्रदेश म लड़की मनके संग अइसे कतकोन घटना होए हाबे जेमा नियाव नइ मिले के सेती कतकोन मन अपन मुंह नइ खोले हाबे। लोगन मन काहते हाबे के तुरते फांसी के सजा दे ले अइसन काम करइया के मन म डर हमाही। का सबो आरोपी ल फांसी मिलही या निर्भया जइसे कई साल ले केस कोर्ट म चलते रइही ?

ये हैं लखीमपुर खीरी में नाबालिग बेटियों की हत्या और गैंगरेप के आरोपी।

इनलोगो को फांसी होनी चाहिए?? Yes/No pic.twitter.com/fjdjRHDDHq

— Kangana Ranaut🚩🇮🇳🚩🇮🇳 (@TheKangana) September 15, 2022