मिनीमाता सम्मान 2022 खातिर 10 अक्टूबर तक आवेदन.., अंजोर छत्तीसगढी म पढ़व पूरा खबर

अंजोर.रायपुर। छत्तीसगढ़ म महिला उत्थान के क्षेत्र म दे जाये वाला मिनीमाता सम्मान साल 2022 खातिर महिला अउ बाल विकास विभाग डहर ले प्रविष्टि आमंत्रित करे गे हावयं। इच्छुक महिला मन या अशासकीय संस्था विभाग के संबंधित जिला कार्यालय म पूरा जानकारी के संग 10 अक्टूबर तक आवेदन जमा कर सकत हावयं।

शासकीय-अर्धशासकीय संस्था, सरकारी सेवक, पहिली म ये पुरस्कार मिले मनखे या संस्था सम्मान के खातिर पात्र नइ होही। जानबा होवय के राज्य शासन डहर ले महिला, बिसेस रूप ले अनुसूचित जाति, अनुसूचित जनजाति, आन पिछड़ा वर्ग अउ अल्पसंख्यक महिला मनके उत्थान के खातिर उत्कृष्ट बुता करइया महिला या अशासकीय संस्था के हर साल मिनीमाता सम्मान दे जाथे। येकर तहत 2 लाख रूपिया अउ प्रशस्ति पात्र सम्मान के रूप म दे  जात हावयं।