अंजोर.रायपुर। छत्तीसगढ़ पर्यावरण संरक्षण मंडल डहर ले 16 सितम्बर अंतर्राष्ट्रीय ओजोन परत संरक्षण दिवस के मउका म स्कूल अउ कॉलेज स्तर के पढ़ईया मन के खातिर भाषण अउ पोस्टर प्रतियोगिता के आयोजन करे जात हावय। कार्यक्रम के उद्देश्य ओजोन परत सुरक्षा के प्रति जागरूकता लाना हावय। ये प्रतियोगिता नवा विश्राम गृह सिविल लाइंस रायपुर म बिहनिया 09.30 बजे ले सुरू होही।
प्रतियोगिता मिडिल स्कूल, हायर सेकेण्डरी स्कूल अउ कॉलेज स्तर म आयोजित करे जात हावय। भाषण प्रतियोगिता के विषय ‘मॉन्ट्रियल प्रोटोकॉल के 35 साल पृथ्वी म जीवन के सुरक्षा बर वैश्विक सहयोग’’ हावय। भाषण प्रतियोगिता हिन्दी अउ अंग्रेजी दोनो माध्य म रखे गे हावय। सबोच भाग लेवइया के 05 मिनट के समय दे जाही। इही रकम ले पोस्टर प्रतियोगिता के विषय- ओजोन परत के सुरक्षा, पृथ्वी के सुरक्षा, स्वयं के सुरक्षा प्रतियोगिता 01.30 घंटा के रइही, जेमा भाग लेवइया मन के ड्राईंग सीट मण्डल डहर ले उपलब्ध कराये जाही।
प्रतियोगिता म विजेता मनला पहिली पुरस्कार म 2500 रूपए, दूसर ठऊर बर 2000 रूपए, तीसर ठऊर म एक हजार रूपिया अउ 500-500 रूपिया के दू सांत्वना पुरस्कार दिये जाही। विजेता मन ल उही दिन मंझनिया ढाई बजे ले आयोजित मुख्य कार्यक्रम म पुरस्कृत करे जाही। कार्यक्रम म प्रोफेसर डिपार्टमेंट ऑफ अर्थ एण्ड इन्वायरमेंटल साइंस, हेड सेन्टर फॉर साइंस एण्ड सोसाईटी इंडियन इन्सिटीट्यूट ऑफ साइंस एजुकेशन एण्ड रिसर्च, भोपाल डॉ रमया सुन्दर रमन मुख्य वक्ता के रूप म उपस्थित रइही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।