 |
| Manisha Verma Diwali Photo |
अंजोर। छत्तीसगढ़ी सिनेमा के सबले चर्चित अभिनेत्री मनीषा वर्मा एसो के देवारी म लक्ष्मी के रूप म दिखिस। एक हाथ म कमल के फूल अउ दूसर म सोने-सोन के सिक्का ले भरे कलश। अभिनेत्री अइसन सवांग पहिली पइत नइ धरे हावय, ओमन नवरात्रि म तको मातारानी के खास सवांगा करथे। फेर एसो के देवारी म लक्ष्मी के अवतार ल लोगन मन खूब पसंद करत हाबे। फोटो देखत श्रद्धा ले मुड़ी नवात फैंस के संग छॉलीवुड तको काहत हावय साक्षात धनलक्ष्मी के रूप दिखथे।
अभिनेत्री मनीषा वर्मा छॉलीवुड के सबले चर्चित युवा चेहरा आए, ओमन सुपर स्टार अनिकृति चौहान के संग कई फिल्म म शानदार अभिनय करे हाबे। कई वीडियो एल्बम अउ शॉर्ट फिल्म के सफलता के संग भोजपुरी म तको काम करे हाबे। मनीषा वर्मा अपन लोक परब ल खास अंदाज म मनाथे, एसो के देवारी म आये साक्षात धनलक्ष्मी के अवतार बर उंकर पूरा टीम ल जय जोहार, अउ मनीषा जी ल हमर कोति ले देवारी तिहार के गाड़ा-गाड़ा बधाई।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।