 |
| Anuj Sharma Diwali Photo |
अंजोर। छत्तीसगढ़ी सिनेमा के सुपरस्टार अनुज शर्मा देवारी के तिहार ल अपन घर म परिवार के संग मनाइस। छत्तीसगढ़ राज बने के बाद ले ही अनुज शर्मा ह छॉलीवुड म सितारा बनके उभरिस अऊ 20 बछर म केऊ हिट फिल्म दीस। दर्शक मनके अपार मया दुलार ले ओमन सरलग मंचीय प्रस्तुति, वीडियो एल्बम परोसत हाबे। इंडस्ट्री बर बड़का गुमान के बात आए के उनला भारत सरकार कोति ले कला के क्षेत्र म जबर बुता करे के सेती पद्मश्री ले अलंकृत करे जा चुके हाबे। एसो के देवारी म अनुज शर्मा ह पारंपरिक तरीका ले घर म परिवार के संग दीया जलाके देवारी तिहार मनाइस। छत्तीसगढि़या सुपरस्टार ल तको हमर कोति ले देवारी तिहार के गाड़ा-गाड़ा बधाई।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।