शादी के प्रलोभन देके युवती के शारीरिक शोषण, आरोपी गिरफ्तार

अंजोर.रायगढ़। तमनार पुलिस डहर ले युवती ले प्रेम संबंध स्थापित करके बिहाव के प्रलोभन देके शारीरिक शोषण करे वाला आरोपी युवक संतोष गुप्ता (29 साल) तमनार ल गिरफ्तार करके न्यायिक रिमांड म भेजे गे हावय।

मिले आरो के मुताबिक  एक युवती (22 साल) थाना आके रिपोर्ट दर्ज कराइन के दिनांक 12-02-22 के मोबाइल दुकान म अपन मोबाईल बनाये दे रिहिस। मोबाइल दुकान वाला मोबाइल बने के बाद कॉल करहूं कहकर मोबाइल नम्बर ले लिस। 02 दिन बाद मोबाइल बनगे हावय कहि के कॉल करे म दुकान जाके मोबाइल लेके आइस। उंकर दू दिन बाद मोबाइल दुकान वाला कॉल करके अपन नाम संतोष गुप्ता बताइन अउ पसंद करत हावं बोलिन। उंकर बाद ले संतोष गुप्ता के कॉल करे म ओकर ले बात करे लगे। जुलाई महीना म एक दिन दुकान म मिले बुलाइन त गे, तब दुकान म कोनो नइ रिहिस, संतोष गुप्ता बिहाव के प्रलोभन देके शारीरिक संबंध बनाइस।

उंकर बाद कई बार संतोष गुप्ता शारीरिक संबंध बनाये जेला तोर मम्मी-पापा ल बता अउ जल्दी बिहाव करो कहे म टाल देत रिहिस। तब ओला अपन भैया-भाभी ल बता बोले म अउ एक दिन उंकर भैया-भाभी के दुनों ल बतायेव। तब संतोष के भैया भाभी बोले जेन गलती करिन हावय त ओला बिहाव करना पड़ही या त सजा भुगते। येकर जानकारी संतोष गुप्ता के होए म संतोष गुप्ता काबर मोर घरवाल ल बताये कहके नाराज हो गे अउ अब बिहाव नइ करहूं जेन करे हावय करके ले कहके साफ इंकार कर दे हावय। युवती के आवेदन म आरोपी के विरूद्ध धारा 376 IPC के अपराध पंजीबद्ध करके थाना प्रभारी तमनार उप निरीक्षक जी.पी. बंजारे के अगुवई म दबिश देके आरोपी संतोष गुप्ता पिता चन्द्रभूषण प्रसाद गुप्ता उमर 29 साल  निवासी माघीमडया थाना रामकोला जिला कुशीनगर (उ.प्र.) हा.मु. उर्जानगर तमनार के हिरासत म लिस गे, आरोपी के कब्जा ले एक नग रेड-मी कंपनी के टच स्क्रीन वाला मोबाईल जप्त करके आरोपी के गिरफ्तार करके  न्यायिक  रिमांड म भेजे हावय।