अपनेच अपहरण के साजिश रचके घरवाला ले मांगिस फिरौती, अब पहुंचिस जेल..., अंजोर छत्तीसगढ़ी म पढ़व पूरा खबर

अंजोर.गरियाबंद। पुलिस अधीक्षक जे.आर. ठाकुर के दिशा निर्देश, अकताहा पुलिस अधीक्षक श्री चन्द्रेश सिंह ठाकुर के सलाह अउ एसडीओपी मैनपुर अनुज कुमार के अगुवई म थाना देवभोग पुलिस डहर ले अपराध क्रमांक 345/2022 धारा 364ए भादवि के आरोपी रूदेन प्रधान पिता परसुराम प्रधान उमर 27 साल गांव पानीगांव थाना अमलीपदर जिला गरियाबंद ल गिरफ्तार करके न्यायिक रिमाण्ड म भेजे गेहे।

मिले आरो के मुताबिक मनोज सोनवानी पिता भुनेश्वर सोनवानी गांव मुचबहाल थाना देवभोग जिला गरियाबंद थाना उपस्थित आके रिपोर्ट दर्ज कराइन के ओकर भांटो रूदेन प्रधान 29 सितंबर के बिहनिया करीबन 08:00 बजे गांव मुचबहाल ले उंकर बहिनी पूनम सोनवानी के कॉलेज छोड़े गोहरापदर गे रिहिस जेन उंकर बहिनी ल गोहरापदर कॉलेज छोड़के काम म जात हावं कहि के निकल गे जिहां ले वो ह देर रतिहा तक घर वापस नइ आने म आसपास जगह म पतातलाश उंकर घर वाला डहर ले करे गिस पता नइ चले म थाना देवभोग म अपन भांटो रूदेन के गुमशुदगी के रिपोर्ट दर्ज कराइन।

गुम इंसान कमांक 38/2022 दर्ज करके जाँच अउ पतातलाश म लिस। जॉच के बखत दिनांक 02.10.2022 के सूचक मनोज सोनवानी डहर ले थाना उपस्थित एक लिखित आवेदन पेश करके रिपोर्ट दर्ज कराइन के 01.10.2022 के संझा 05:15 बजे उंकर मोबाईल म एक अज्ञात मोबाईल नंबर ले उंकर भांटो के फोटो अउ मेसेज आए रिहिन हावय अउ किडनेप करइया ओला छुडाये के एवज म दू लाख रूपिया के मांग करे रिहिन हावय जेकर रिपोर्ट थाना देवभोग म अपराध क्रमांक 345/22 धारा 364ए भादवि पंजीबद्ध करके विवेचना म लिस। प्रकरण के गंभीरता के धियान म रखत होइस तुरते पुलिस अधीक्षक डहर ले एसडीओपी मैनपुर अनुज कुमार के अगुवई म टीम गठित करके अउ सायबर सेल के मदद ले अपहरणकर्ता के मोबाईल नंबर के लोकेशन ले के तुरते टीम रवाना करिन जेन मिले लोकेशन म पहुंच के रेड कार्यवाही करिन।

अपहृत मनखे रूदेन प्रधान के गांव बांसकोट जिला कोण्डागांव म बरामद करिन जेकर ले पुछताछ बखत स्वयं के अपहरण के साजिश रचके अपन साला मनोज सोनवानी ल छोड़े के खातिर दू लाख रूपिया फिरौती के रकम व्हाट्सअप के माध्यम ले मांग करना स्वीकार करे म आरोपी के विरुद्ध विधिवत कार्यवाही करके हिरासत म लेके घटना म प्रयुक्त एक नग मोबाईल फोन, तीन नग जिओ कंपनी के सीम अउ एक सोल्ड मोटर सायकल बजाज कंपनी के काला रंग के पल्सर कीमती करीबन एक लाख रूपिया के जप्त करे गिस। आरोपी रूदेन प्रधान पिता परसुराम प्रधान उमर 27 साल गांव पानीगांव थाना अमलीपदर जिला गरियाबंद के विरूद्ध पर्याप्त साक्ष्य पाये जाये ले विधिवत गिरफ्तार करके आरोपी ल न्यायिक रिमाण्ड म भेजे गिस।

ये कार्यवाही म सहायक उप निरीक्षक जैनसिंग दीवान, छविल टाण्डेकर, प्रधान आरक्षक विजय मिश्रा, गणेश साहू, दीप्तनाथ प्रधान आरक्षक राहुल तिवारी, स्पेशल टीम ले प्र.आर. अंगद राव, जयप्रकाश मिश्रा, आरक्षक सुशील पाठक, हरीश साहू, आरक्षक पोखराज कंवर, विरेन्द्र नाग, सायबर सेल ले प्र.आर. सतीश यादव, आर. तरूण कुमार के अहम भूमिका रिहिस।