अंजोर.रायगढ़। एसपी अभिषेक मीना के दिशा निर्देशन अउ एडिशनल एसपी लखन पटले अउ सीएसपी रायगढ़ अभिनव उपाध्याय के मार्गदर्शन म चक्रधरनगर पुलिस डहर ले लूटपाट के मामला म तुरते कार्यवाही करत चंद घंटा म लूटपाट के आरोपी मन ल लूट के पूरा मशरूका अउ हथियार समेत गिरफ्तार करे गे हावय।
मिले आरो के मुताबिक रतिहा एमएसपी फैक्ट्री पार्किंग म ट्रेलर के भीतर सोवत ड्रायवर म चार अज्ञात आरोपी देशी कट्टा अडाके, मारत पीटत ट्रेलर म लोड 33 टन सरिया (छड़) समेत ट्रेलर लूटके खरसिया-रायगढ़ हाईवे तनि भागगे अउ जिहां कुछ आरोपी ड्रायवर ल बंधक रखके ट्रेलर ले 44 क्विंटल सरिया के अन्यत्र ठऊर म डम्प करके घटना कोनो ल नइ बताये के धमकी देके वाहन चालक के छोड़ दिस।
मामला के सूचना मिलते ही थाना प्रभारी चक्रधरनगर निरीक्षक शनिप रात्रे वरिष्ठ अधिकारी मनला अवगत कराके तुरते जिला ले बारह अवइया-जवइया वाला सबो रसता म नाकेबंदी करके अपन सक्रिय सूचनातंत्र के जरिये अपहरणकर्ता के पता लगाये अउ एक बड़े लूट के घटना के सफलतापूर्वक चंद घंटा के भीतर पटाक्षेप करके आरोपी मन ले लूट के पूरा मशरूका, घटना म प्रयुक्त हथियार, बाइक, रॉड, मोबाइल के जप्ती करके आरोपी मन के गिरफ्तार करके रिमांड म भेजे गे हावय।
आरोपी पीड़ित ड्रायवर राजकुमार सोनी के रिपोर्ट म अप.क्र. 534/2022 धारा 365, 397 IPC म गिरफ्तार करके न्यायिक रिमांड म भेजे गे हावय। आरोपी मन के पतासाजी, गिरफ्तारी के टीम म निरीक्षक शनिप रात्रे थाना प्रभारी चक्रधरनगर, उप निरीक्षक दिनेश बोहिदार, प्रधान आरक्षक लोमश राजपूत, हेम प्रकाश सोन, दिलीप भानु, आरक्षक चंद्र कुमार बंजारे, विक्कू सिंह ठाकुर, सुशील यादव, श्याम साहू, चुडामणी गुप्ता के प्रमुख भूमिका रेहे हावय। आरोपी मन ले पूछताछ म चोरी के अपराध के जानकारी मिले हावय, आरोपी मन के आपराधिक रिकार्ड के संबंध म उंकर मूल निवास थाना ले जानकारी ले जात हावय।
गिरफ्तार आरोपी-
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।