मुख्यमंत्री ह मिसाइल मैन डॉ. कलाम के जयंती म करिन सुरता

अंजोर.रायपुर। मुख्यमंत्री भूपेश बघेल ह 15 अक्टूबर के पूर्व राष्ट्रपति, महान वैज्ञानिक भारत रत्न डॉ.ए.पी.जे. अब्दुल कलाम के जयंती म ओला नमन करिन हावय। बघेल ह डॉ.कलाम ल सुरता करत किहिन के डॉ. कलाम ह भारत ल केऊ वैज्ञानिक दीस। उंकर पूरा जीवन राष्ट्र सेवा के खातिर समर्पित रिहिन। मिसाइल मैन के नाम ले जोन जाये वाला डॉ. कलाम के अगुवई ह भारत के नाम अंतरिक्ष कार्यक्रम अउ सैन्य मिसाइल के क्षेत्र म बुलंदी म पहुंचिस। बघेल ह किहिन हावय के डॉ. कलाम ह युवा मनला हमेशा सपना ल अपन दृढ़ संकल्प बनाये के खातिर प्रेरित करिन। डॉ. कलाम के देश प्रेम अउ विचार कीमत हमन ल हमेशा प्रेरित करत रइही।