मुख्यमंत्री भूपेश बघेल ह गौरा-गौरी पूजा करके प्रदेशवासी बर सुख समृद्धि के करिस कामना, जजंगिरी अउ कुम्हारी म लिस सोटा

मुख्यमंत्री भूपेश बघेल ह गौरा-गौरी पूजा करके प्रदेशवासी बर सुख समृद्धि के करिस कामना

अंजोर.रायपुर। लोक परंपरा के मुताबिक मुख्यमंत्री भूपेश बघेल ह पाटन ब्लाक के गांव जजंगिरी  अउ कुम्हारी पहुंच के गौरा गौरी के पूजा पूजा अर्चना करके प्रदेसवासी के सुख-समृद्धि के कामना करिस। ए मउका म बीरेंद्र ठाकुर ह मुख्यमंत्री बघेल के हाथ म परंपरा मुताबिक सोंटा ले प्रहार करिन। लोक मान्यता हावय के गौरा गौरी पूजा के मउका म सोंटा के प्रहार ले अनिष्ट टलत हावयं अउ खुसयाली आत हावय। मुख्यमंत्री प्रदेस के खुसयाली के कामना के खातिर हर साल ए लोक अनुष्ठान म हिस्सा लेवत हावयं।

जजंगिरी पहुंच के मुख्यमंत्री ह लोगन के देवारी के सुभकामना दीस। ओमन किहिन के दीप परब आप लोगन के जीवन ल इही रकम ले जगमग करत रहय। मुख्यमंत्री ह किहिन के हर बार आप लोगन के बीच आके मोला बहुत खुशी महसूस होत हावय अउ दिवाली के आनंद आप लोगन के संग साझा करके मन हर्षित हो जाथे। मुख्यमंत्री बघेल येकर बाद कुम्हारी म तको गौरा गौरी पूजा म सामिल होइस। इहां म तको मुख्यमंत्री ह लोगन ल दिवाली के बधाई देत होइस उंकर सुख समृद्धि के कामना करिस। ओमन किहिन के देवारी के मउका म लोक परंपरा के आनंद लेना बहुत सुख देत हावय। आप लोगन के बीच हर बार आत हावं मोला बहुत खुशी होत हावय। मुख्यमंत्री ह ए मउका म गौरा-गौरी के पूजा के संग नगर भ्रमण तको करिन। गड़वा बाजा के सुमधुर ध्वनि के संग अभूतपूर्व दृश्य कुम्हारी नगर म दिखिस। लोकपर्व के अपूर्व उत्साह म पूरा शहर मुख्यमंत्री के संग सरोबार, सारी शहर गली म उमड़गे।