अंडा उत्पादन महिला स्व-सहायता समूह के खातिर बनिस आय के जरिया

अंजोर.बेमेतरा। मुरदंडा गउठान के दुर्गा स्व-सहायता समूह ल जिला प्रशासन के बिसेस सहायोग अउ पशुधन विकास विभाग बीजापुर के मार्गदर्शन म मई 2022 म बीव्ही 380 लेयर  बर्डस 100 नग प्रदाय करे गे हावय। स्थापित लेयर बर्डस डहर ले रोज 55-60 अंडा के उत्पादन होवत हाबे। अण्डा के नजदीकी आंगनबाड़ी केन्द्र म मुख्यमंत्री सुपोषण आहार के तहत प्रदाय करे जात हावय। अभी तक 1602 अंडा ल आंगनबाड़ी केन्द्र म बेचे जा चुके हावय।

मिले आरो के मुताबिक जेकर ले प्रति अंडा 6 रूपिया के दर ले समूह के 9 हजार 6 सौ रूपिया के आमदनी मिल चुके हावय। स्थापना महीना मई ले 20 सितंबर 2022 क कुल 2158 के उत्पादन हो चुके हावय। ये बर्डस डहर ले मई 2023 तक अंडा के उत्पादन होही ए रकम ले कुल 5518 अंडा उत्पादन होही जेकर ले समूह के कुल 33106 रूपिया के आमदनी होही। ये समूह मुरदंडा गउठान म बीव्ही -380 लेयर बर्डस स्थापित अंडा उत्पादन के अलावा कृषि अउ वनोपज सहित आने-आने आजिविका मूलक गतिविधी ले आर्थिक रूप ले सशक्त बनत हावयं।