बीजापुर के सुदूर अंचल पामेड़ म होवथे मिरचा के खेती, प्रशासन के बिसेस सहयोग ले किसान तको आर्थिक उन्नति तनि

अंजोर.बीजापुर। जिला के सुदूर अउ संवेदनशील क्षेत्र पामेड़ म शासन के योजना मन के क्रियान्वयन तेजी ले होए लगे हावय आखरी मनखे अउ आखरी क्षेत्र म शासन अउ प्रशासन के पहुंच ले गांव वाला ल आने-आने योजना मन ले लाभान्वित करे जात हावय।

मिले आरो के मुताबिक तारलागुड़ा, चंदूर क्षेत्र म सफलतापूर्वक मिरचा के खेती के पाछु अब पामेड़ के किसान तको जागरूक होत हावयं। पामेड़ क्षेत्र के 7 किसान मन के 17 एकड़ कृषि भूमि म मिरचा के खेती के तइयारी पूरा करे जा चुके हावय, जिला प्रशासन डहर ले बिसेस सहयोग प्रदाय करत ड्रीप, स्प्रिंकलर, मल्चिंग बोर उत्खनन फैंसिंग अउ विद्युत विस्तार सुविधा मुहैया कराये गिस। मिरचा के थरहा (पौधे) तको तइयार हो चुके हावय। उप संचालक पीएस कुसरे ह बताइन सितंबर-अक्टूबर महीना म मिरचा के खेती सुरू के जाथे जेन जनवरी-फरवरी म फसल तइयार हो जाथे।

उप संचालक कुसरे ह बताइन प्रति एकड़ कम ले कम एक लाख रूपिया के आमदनी मिरचा के खेती ले होत हावय। जेन 07 किसान अभी मिरचा के खेती करत हावयं। प्रति साल 15-20 हजार रूपिया ही कमा पाते रिहिस। उंकर मिरचा के खेती के बारे म विस्ता्र ले जानकारी विभाग डहर ले दे गिस अउ पहिली म सफलतापूर्वक मिरचा के खेती करत उन किसान मन ले तको प्रोत्साहित कराइन जेकर ले किसान मन के आत्मविश्वास बढ़े हावय। पूरा मेहनत अउ लगन ले खेती बुता करे के खातिर किसान काफी उत्साहित हावयं। कृषि विभाग डहर ले सरलग देखरेख अउ तकनीकी सलाह अउ मार्गदर्शन दे जात हावय।