अंजोर.रायपुर। मुख्यमंत्री भूपेश बघेल ह अपन निवास कार्यालय म आयोजित वर्चुअल कार्यक्रम म प्रदेस म नवगठित 10 राजस्व अनुविभाग अउ 25 नवा तहसील के उद्घाटन करिन। कार्यक्रम म मुख्यमंत्री ह नवा अनुविभाग तिल्दा नेवरा, बागबाहरा, मालखरौदा, धमधा, बलरामपुर, राजपुर, भरतपुर, खड़गवां, भोपालपट्नम अउ भैरमगढ़ के उद्घाटन करिन। ये अनुविभाग के उद्घाटन के बाद प्रदेस म 108 अनुविभाग होही।
मुख्यमंत्री बघेल ह कार्यक्रम म 25 नवा तहसील मंदिरहसौद, धरसींवा, बेलरगांव, कोमाखान, सोनाखान, टुण्डरा, अमलीपदर, बेलतरा, जरहागांव, दीपका, मुकड़ेगा, कोटाडोल, पोड़ी (बचरा), औंधी, खड़गांव, साल्हेवारा, लालबहादुर नगर, मर्री बंगला (देवरी), देवकर, भिंभौरी, नानगुर, भानपुरी, तोंगपाल, मर्दापाल, धनोरा के उद्घाटन करिन। ये तहसील के उद्घाटन के बाद प्रदेस म तहसील के संख्या बढ़के 227 हो जाही।
मुख्यमंत्री ह किहिन के नवा अनुविभाग अउ तहसील के स्थापना ले राज्य के सबो नागरिक के लाभ पहंचही, संग ही सरकारी योजना मन के सुचारू रूप ले क्रियान्वयन अउ प्रशासकीय कामकाज म कसावट लाने म सुविधा होही, शासन के योजना अउ मूलभूत सुविधाआम जनता के आसानी ले उपलब्ध होही। विकास के रफ्तार तको बढ़ेगी।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।