तिहार के पहिली सरकार के बड़का उपहार : राजीव गांधी किसान न्याय योजना, गोधन न्याय योजना अउ राजीव गांधी ग्रामीण भूमिहीन कृषि मजदूर न्याय योजना के तहत हितग्राही मनके खाता म आए पइसा

अंजोर.रायपुर। मुख्यमंत्री भूपेश बघेल ह वीडियो कान्फ्रेंसिंग के माध्यम ले राज्य सरकार के तीन महत्वाकांक्षी योजना- राजीव गांधी किसान न्याय योजना, गोधन न्याय योजना अउ राजीव गांधी ग्रामीण भूमिहीन कृषि मजदूर न्याय योजना के तहत हितग्राही मन के खाता म 1866 करोड़ 39 लाख रूपिया के रकम ऑनलाइन अंतरित करिस। मुख्यमंत्री बघेल ह राजीव गांधी किसान न्याय योजना के साल 2021-22 के तीसरी किस्त के रूप म प्रदेस के 23 लाख 99 हजार 615 किसान मन के कुल 1745 करोड़ रूपिया, राजीव गांधी ग्रामीण भूमिहीन कृषि मजदूर न्याय योजना के तहत वित्तीय साल 2022-23 के रकम के रूप म 4 लाख 66 हजार 880 हितग्राही मन के 115 करोड़ 80 लाख 32 हजार रूपिया अउ गोधन न्याय योजना के हितग्राही मन के 5 करोड़ 59 लाख रूपिया के रकम के ऑनलाईन भुगतान करिन।

ए मउका म मुख्यमंत्री किसान मन के सम्बोधित करत किहिन के देवारी के तिहार लकठा हावय अउ आप सबो के खाता म रकम आए ले तिहार अच्छा ले मना सकही। राजीव गांधी किसान न्याय योजना, गोधन न्याय योजना अउ राजीव गांधी ग्रामीण भूमिहीन कृषि मजदूर न्याय योजना के हितग्राही मन के लगभग 1900 करोड़ के रकम अंतरित करे गिस, जेकर ले प्रदेस के किसान मन, मजदूर, पशुपालक, स्व सहायता समूह के महिला मन अउ गउठान समिति मन के लाभ मिलही। मुख्यमंत्री ह किहिन के कर्मचारी मन के डी.ए. बढ़ाके 33 परतिसत करके दे हावय, जेकर ले कर्मचारी वर्ग म तको खुशी के माहोल हावय। तिहार के पहिली सबो वर्ग के पास पइसा आने ले बाजार म तको रौनक रइही।

बइठक म मंत्री रविन्द्र चौबे, टी.एस.सिंह देव, ताम्रध्वज साहू, मोहम्मद अकबर, प्रेमसाय सिंह टेकाम, कवासी लखमा, डॉ.शिवकुमार डहरिया, अमरजीत भगत, जयसिंह अग्रवाल, श्रीमती अनिला भेंड़िया, गुरू रूद्र कुमार, उमेश पटेल, मुख्यमंत्री के कृषि सलाहकार प्रदीप शर्मा, मुख्य सचिव अमिताभ जैन, कृषि उत्पादन आयुक्त डॉ.कमलप्रीत सिंह, मुख्यमंत्री के सचिव सिद्धार्थ कोमल सिंह परदेशी, डॉ. एस.भारतीदासन, अंकित आनंद, उपसचिव सुश्री सौम्या चौरसिया अउ आन अधिकारी उपस्थित रिहिन।